Driving License: ஓட்டுநர் உரிமம் பெறுவதற்கான விதிகளில் மத்திய சாலை மற்றும் போக்குவரத்து அமைச்சகம் திருத்தம் செய்துள்ளது. இந்த விதிகள் கடந்தாண் 1 ஜூலை முதல் நடைமுறைப்படுத்தப்பட்டது. இதன் கீழ், இப்போது மக்கள் வட்டார போக்குவரத்து அலுவலகத்திற்குச் சென்று தங்களின் ஓட்டுநர் உரிமத்தை பெற நீண்ட வரிசையில் காத்திருக்க வேண்டியதில்லை.
இரு சக்கர வாகனம் அல்லது நான்கு சக்கர வாகனங்களை ஓட்டும் ஓட்டுநர்கள் தங்களது ஓட்டுநர் உரிமத்தைப் பெற இனி வட்டாரப் போக்குவரத்து அலுவலகத்திற்கு செல்ல வேண்டியதில்லை. சாமானியர்களுக்கு பெரும் நிவாரணமாக, ஓட்டுநர் உரிமம் பெறுவதற்கான புதிய விதிகளை மத்திய அரசு உருவாக்கியுள்ளது. அதில் இனி ஓட்டுநர் தேர்வு கட்டாயமில்லை.
இந்த டெஸ்ட் இருக்கும்
இனி மாநிலப் போக்குவரத்து ஆணையம் அல்லது மத்திய அரசு நடத்தும் ஓட்டுநர் பயிற்சி மையம் மூலம் இந்தப் பணி மேற்கொள்ளப்படும். அங்கீகரிக்கப்பட்ட ஓட்டுநர் பயிற்சி மையத்திற்கு ஓட்டுநர் உரிமத்திற்கான தேர்வை எழுதுவதற்கான உரிமையை அரசாங்கம் இப்போது வழங்கியுள்ளது.
ஓட்டுநர் உரிமத்திற்கு விண்ணப்பிக்கும் நபர்கள் இந்த ஓட்டுநர் பயிற்சி மையங்களில் ஏதேனும் ஒன்றில் தங்களை பதிவு செய்து கொண்டு அவர்கள் நடத்தும் தேர்வில் தேர்ச்சி பெற வேண்டும். தேர்வு முடிந்ததும், மையம் சான்றிதழ் வழங்கும். சான்றிதழைப் பெற்ற பிறகு, விண்ணப்பதாரர் ஓட்டுநர் உரிமத்திற்கு விண்ணப்பிக்கலாம், இது ஆர்டிஓவில் எந்த சோதனையும் இல்லாமல் பயிற்சி சான்றிதழின் அடிப்படையில் வழங்கப்படும்.
கவனிக்க வேண்டிய விஷயம் என்னவென்றால், பிரத்யேக பயிற்சி மையங்களில் சிமுலேட்டர்கள் பொருத்தப்பட்டிருக்கும் மற்றும் டிரைவிங் டெஸ்ட் டிராக்குகள் இருக்கும். இந்த மையங்கள் இலகுரக மோட்டார் வாகனங்கள் (LMV) மற்றும் நடுத்தர மற்றும் கனரக வாகனங்கள் (HMV) ஆகியவற்றுக்கான பயிற்சியை வழங்க முடியும். LMVக்கான பயிற்சியின் மொத்த கால அளவு 29 மணிநேரம், நான்கு வாரங்களுக்குள் முடிக்கப்படும்.
முகவரியை மாற்ற...
ஓட்டுநர் உரிமத்தில் முகவரியை மாற்ற, முன்னதாக வட்டார போக்குவரத்து அலுவலகத்தில் விண்ணப்பம் செய்ய வேண்டும். இருப்பினும், இப்போது இவ்வளவு நீண்ட செயல்முறைக்கு செல்ல வேண்டிய அவசியமில்லை. இதற்கு எளிதான வழியும் உள்ளது. இதற்கு, இந்திய அரசின் mParivahan செயலியைப் பயன்படுத்தலாம். இதன் மூலம், ஓட்டுநர் உரிமத்தில் உள்ள வீட்டு முகவரி, வீட்டில் அமர்ந்தபடியே மாற்றப்படும்.
மேலும் படிக்க | RD திட்டங்களிலும் நல்ல லாபம்... எந்தெந்த வங்கிகளில் எவ்வளவு வட்டி விகிதம்?
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
