close

News WrapGet Handpicked Stories from our editors directly to your mailbox

‘A1’ திரைப்படத்தில் நடித்த சந்தானம் மீது காவல்துறையில் புகார்!

நடிகர் சந்தானம் நடிப்பில் உருவாகியுள்ள "A1" திரைப்படத்தின் டீஸர் தற்போது வெளியாகியுள்ள நிலையில், படத்தின் மீதும், படத்தின் நாயகன் சந்தானம் மீதும் இந்து தமிழர் கட்சி புகார் அளித்துள்ளது!

Updated: Jul 17, 2019, 03:23 PM IST
‘A1’ திரைப்படத்தில் நடித்த சந்தானம் மீது காவல்துறையில் புகார்!
Screengrab

நடிகர் சந்தானம் நடிப்பில் உருவாகியுள்ள "A1" திரைப்படத்தின் டீஸர் தற்போது வெளியாகியுள்ள நிலையில், படத்தின் மீதும், படத்தின் நாயகன் சந்தானம் மீதும் இந்து தமிழர் கட்சி புகார் அளித்துள்ளது!

இதுதொடர்பாக சென்னை காவல்துறை ஆணையருக்கு இந்து தமிழர் கட்சியின் நிறுவன தலைவர் ராமரவிக்குமார் அளித்துள்ள புகார் மனுவில் குறிப்பிட்டுள்ளதாவது., "நடிகர் சந்தானம் நடிப்பில் உருவாகியுள்ள A1 திரைப்படத்தின் இரண்டாவது டீசர் தற்போது வெளியாகியுள்ளது.

இந்த டீஸரில் ‘லோக்கல் பையனுக்கும் அக்ரஹாரத்து பெண்ணுக்கும் நடக்கும் கலாசலான லவ் ஸ்டோரி’, ‘ஆப்பாயில் சாப்பிட்டு தன் காதலை தெரிவிக்கும் அக்ரஹாரத்து மாமி’, ‘மயங்கி விழுவது மாமியின் தோப்பனார்,’ காதலுக்காக குடும்பத்தையே உதறிய புரட்சி நாயகன் என்ற வசனங்களுடன் கூடிய காட்சிகள் இடம் பெற்றுள்ளன. வரும் 27-ஆம் தேதி திரைப்படம் வெளிவர இருப்பதாக தெரிவிக்கப்பட்டுள்ளது.

கருத்து சுதந்திரம் என்ற பெயரில் இந்து சாதி சிறுபான்மையினராக இருக்கும் பிராமண சமுதாய வாழ்க்கை முறையை கேலி செய்யும் விதத்தில் டீசர் வெளியாகியிருக்கிறது. தமிழகத்தில் சட்டம்- ஒழுங்கு சீராக உள்ள நிலையில் ஒரு வீணான பதட்டத்தை உருவாக்க வேண்டும் என்கின்ற கெட்ட உள்நோக்கத்தோடு திரைப்படம் எடுக்கப்பட்டிருக்கலாம் என்று கருதுகிறோம்.

இது போன்று பிற சாதி பெண்களையும், பிற சாதிகளின் பழக்க வழக்கங்களையும் இழிவுபடுத்தி யாரும் படம் எடுக்க முடியாது. அப்படி இருக்கையில் பிராமண சமுதாயத்தை இழிவுபடுத்திய இந்த திரைப்படத்தை தடை செய்து நடிகர் சந்தானம், ஜான்சன், ராஜநாராயணன் உள்ளிட்ட படக்குழுவினர் மீது சட்ட நடவடிக்கை எடுக்கவேண்டும்." என குறிப்பிட்டுள்ளார்.