Suriya 44 Title : தமிழ் திரையுலகின் முன்னணி நடிகராக வலம் வரும் சூர்யாவிற்கு, 2024ஆம் ஆண்டு சரியான ஆண்டாக அமையவில்லை. அவரது கங்குவா படம் தோல்வியடைந்திருந்தாலும், இந்த வருடத்தில் மட்டும் அவர் இரண்டு படங்களில் கமிட் ஆனார். அதில் ஒன்று, சூர்யா 44. இவரது இந்த படத்தை, கார்த்திக் சுப்புராஜ் இயக்கியிருக்கிறார்.
சூர்யா 44:
கோலிவுட் திரையுலகின் டாப் நடிகர்களுள் ஒருவராக வலம் வரும் நடிகர் சூர்யா, கடந்த இரண்டு ஆண்டுகளில் ஹீரோவாக எந்த படத்திலும் நடிக்கவில்லை. அவர் கேமியோ கதாப்பாத்திரங்களில் நடித்த படங்கள் மட்டுமே வெளியாகி வந்தன. இதைத்தாண்டி சமீபத்தில் அவர் நடிப்பில் வெளியாகி மண்ணை கவ்விய படம் கங்குவா. இந்த படத்தின் ப்ரமோஷன் பணிகளை ஆரம்பிக்கும் முன்னரே அவர் நடித்து முடித்த படம், சூர்யா 44.
ரசிகர்களால் கல்ட்-க்ளாசிக் பட இயக்குநர் என புகழப்படும் கார்த்திக் சுப்புராஜ், முதன்முறையாக சூர்யாவுடன் கைக்கோர்த்து அவரது 44வது படத்தை இயக்கியிருக்கிறார். சந்தோஷ் நாராயணனின் பின்னணி இசையில் படம் உருவாகியிருக்கிறது. இதன் படப்பிடிப்புகள் சில வாரங்களுக்கு முன் முடிந்த நிலையில், கிறிஸ்துமஸ் சர்ப்ரைஸாக சூர்யா 44 படத்தின் டைட்டில டீசர் வெளியாகும் என அறிவித்திருக்கிறார்.
The One's Xmass Gift #Suriya44 #TheOneXmass #LoveLaughterWar pic.twitter.com/IsZrmTukBV
— karthik subbaraj (@karthiksubbaraj) December 23, 2024
லீக் ஆன டைட்டில்!
பொதுவாக எந்த படம் வெளியாவதற்கு முன்னரும், அப்படத்தின் டைட்டில் என்னவாக இருக்கும் எனும் தகவல் கசிந்து விடும். ஆனால், சூர்யா 44 படத்தின் டைட்டில் என்ன என்பதை படக்குழு யாருக்கும் கூறாமல் ரகசியமாக பாதுகாத்து வந்தனர். இந்த நிலையில் அப்படத்தின் டைட்டில் என்னவாக இருக்கும் என்பது குறித்து திரை வட்டாரங்களில் கிசுகிசுத்து வருகின்றனர். அதன்படி, அப்படத்தின் பெயர் ஒன்று ‘ஜானி’ அல்லது ‘கல்ட்’-ஆக இருக்கும் என கூறப்படுகிறது.
மேலும் படிக்க | அசுர வேகத்தில் முடிந்த சூர்யா 44 படப்பிடிப்பு! பொங்கலுக்கு ரிலீஸ்?
விறுவிறுப்பாக நடைபெறும் அடுத்த படத்தின் படப்பிடிப்பு!
இந்த வருடத்தில், எதிர்பாராத விஷயங்களுள் ஒன்று சூர்யா-ஆர்.ஜே.பாலாஜி கூட்டணி. நடிகராகவும், திரைக்கதை எழுத்தாளராகவும், இயக்குநராகவும் வலம் வரும் பாலாஜி, முதன்முறையாக ஒரு பெரிய ஹீரோவை வைத்து படம் இயக்க இருக்கிறார். இப்படத்தில், த்ரிஷா ஹீரோயினாக நடிக்கிறார். இந்த படத்தின் படப்பிடிப்பு கோயம்புத்தூரில் விறுவிறுப்பாக நடைப்பெற்று வருகிறது. இதில் யோகி பாபு, ஸ்வாசிகா,ஷிவதா உள்ளிட்ட பலர் நடித்து வருகின்றனர். இந்த படம் அடுத்த ஆண்டில் வெளியாகும் என எதிர்பார்க்கப்படுகிறது.
கவிழ்த்துவிட்ட கங்குவா! கைகொடுக்குமா கோலிவுட்?
2024 ஆம் ஆண்டில், ரசிகர்களிடையே அதிக எதிர்பார்ப்புகளுடன் வெளியான படம் கங்குவா. சிறுத்தை சிவா இயக்கத்தில் பெரிய பட்ஜெட்டில் உருவான இந்த படம், சொதப்பலான திரைக்கதையாலும், ஈர்க்காத வசனங்களாலும் நெகடிவ் விமர்சனங்களை பெற்று தோல்வியுற்றது. இதற்கிடையே, கணவருக்கு ஆதரவு தெரிவித்த ஜோதிகாவும் ட்ரோல் செய்யப்பட்டார்.
கடந்த 10 ஆண்டுகளில் சூர்யா ஹீரோவாக நடித்து திரையரங்குகளில் வெளியான படங்கள் எதுவும் பெரிதாக வெற்றியை பெறவில்லை. மக்களின் வரவேற்பினை பெற்ற படங்களும், ஓடிடி தளங்களில் மட்டுமே வெளியாகி வந்தன. இதையடுத்து கங்குவாவும் அவரது சினிமா மார்கெட்டை கவிழ்த்து விட்டிருப்பதால், அடுத்து அவர் நடித்திருக்கும் அவரது 44வது படமும், 45வது படமும் கைக்காெடுக்குமா என்று ரசிகர்கள் காத்து கொண்டுள்ளனர்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
