தமிழ் சினிமாவின் பிரபலமான நடிகைகளில் ஒருவராக இருந்த நடிகை அஞ்சலி தற்போது தனது கேரியரில் 50-வது படத்தை எட்டியுள்ளார்.
தமிழ், தெலுங்கு, கன்னடம் மற்றும் தெலுங்கு மொழிப்படங்களில் நடித்து பிரபலமான நடிகை அஞ்சலியின் 50-வது படத்தை புதுமுக இயக்குனர் அசோக் வேலாயுதம் இயக்கியுள்ளார்.
'ஈகை' என்று பெயரிடப்பட்டுள்ள அஞ்சலியின் 50-வது படத்தை கிரீன் அம்யூஸ்மென்ட் புரொடக்ஷன்ஸ் மற்றும் டி3 புரொடக்ஷன்ஸ் ஆகிய நிறுவனங்கள் இணைந்து தயாரித்திருக்கிறது.
இப்படத்தின் ஃபர்ஸ்ட் லுக் போஸ்டர் மற்றும் படத்தின் அதிகாரப்பூர்வ தலைப்பை விஜய் சேதுபதி, இயக்குனர்கள் மித்ரன் ஜவஹர் மற்றும் வெங்கட் பிரபு ஆகியோர் சேர்ந்து வெளியிட்டுள்ளனர்.
படத்தின் ஃபர்ஸ்ட் லுக் போஸ்டரில் அஞ்சலி மழை பெய்து வரும் பின்னணியில் குடைகளின் நடுவே நிற்பது போல புகைப்படம் இடம்பெற்றுள்ளது.
அஞ்சலியின் 50-வைத்து படமான 'ஈகை' படத்தில் காஷ்யப் பர்பயா, புகாஜ், அபி நக்ஷத்ரா, ஹரி, நிஷாந்த் ரகு, சந்தர் போன்ற பல நட்சத்திரங்கள் நடித்துள்ளனர்.
