உடலின் ஆற்றல் மையமாக விளங்கும் மூளையின் கட்டளைப்படி தான் உடல் செயல்படுகிறது. அதனால் மூளை ஆரோக்கியமாக இருக்க வேண்டியது அவசியம். ஆனால் நமது சில மோசமான அன்றாட பழக்கங்கள் சில மூளையை உள்ளே இருந்து சேதப்படுத்தி நினைவாற்றல் மிகவும் பாதிக்கும்.
உடலின் இயக்கத்தை கட்டுப்படுத்தும் மூளையை மந்தமாக்கும் ஆரோக்கியமற்ற பழக்கங்களிலிருந்து விலகி இருக்க வேண்டும் என மருத்துவ நிபுணர்கள் எச்சரிக்கின்றனர். இதனால், மூளை சுறுசுறுப்பாக இயங்கும் என்பதோடு, மூளை தொடர்பான பிரச்சனைகள் மறதி நோய் ஆகிய ஆபத்துக்கள் குறையும்.
மூளை பலவீனம்: பொதுவாக முதுமையில் தான் நமது மூளை பலவீனமடைந்து வேலையைச் செய்யும் தனது திறனை இழக்கத் தொடங்குகிறது. ஆனால் ஆரோக்கியமற்ற சில பழக்கம் காரணமாக இளைமையிலே மூளையின் சக்தி குறைக்கிறது.
மூளை மந்தமாக இருப்பதன் அறிகுறிகள்: நினைவாற்றல் குறைதல், மூளையின் செயல்பாடு குறைதல், புரிந்து கொள்வதில் சிக்கல்கள் ஆகியவை, மூளை மந்தமானதன் அறிகுறிகளாக இருக்கலாம்.மூளை ஆரோக்கியத்தை பாதிக்கும் சில பழக்கங்களை பற்றி தெரிந்து கொள்வோம்...
துரித உணவுகள்: இன்றைய துரித உணவுப் பழக்கம் பல கடுமையான நோய்களை நோக்கி மக்களைத் தள்ளுகிறது. துரித உணவுகள் வளர்சிதை மாற்றத்தை குறைத்து, உடல் பருமனையும், சோம்பலையும் உண்டாக்கும். இதனால், மூளையின் ஆற்றல் பெரிதும் பாதிக்கும். இவற்றை அடிக்கடி உட்கொள்வதால் நினைவாற்றல் பலவீனமடையும்...
பதப்படுத்தப்பட்ட உணவு பொருட்கள்: ரெடு டு ஈட் வகை உணவுகள், குக்கீஸ், பிஸ்கட்கள், சிப்ஸ் போன்றவற்றில் டிரான்ஸ் கொழுப்பு நிறைந்துள்ளது. இவற்றை அதிகமாக உட்கொள்வதால் இரத்தத்தில் அதிக அளவு டிரான்ஸ் கொழுப்பு அதிகரித்து இதய நோய்கள், அல்சைமர், பக்கவாதம் போன்றவை ஏற்படும் அபாயத்தை அதிகரிக்கும்.
பொறித்த உணவுகள்: எண்ணெயில் பொறித்த உணவுகளில் ஆரோக்கியமற்ற டிரான்ஸ் கொழுப்பு மற்றும் நிறைவுற்ற கொழுப்பு உள்ளது. இது உடல் மற்றும் மூளையின் ஆரோக்கியத்திற்கு நல்லதல்ல. இதனை அளவிற்கு அதிகமாக சாப்பிடுவதால், அல்சைமர் அல்லது பார்கின்சன் நோய் அபாயம் மிகவும் அதிகரிக்கும் நிபுணர்களின் கூற்றுப்படி, அவற்றின் நுகர்வு மூளையில் வீக்கத்தை ஏற்படுத்தும், இது நரம்பியக்கடத்தல் நோய்களுடன் இணைக்கப்படலாம்.
மதுப்பழக்கம்: அதிகப்படியான ஆல்கஹால் உட்கொள்வது மூளையின் செயல்திறனை குறைப்பதோடு வளர்சிதை மாற்ற மாற்றத்தை பாதிக்கும். மூளை தகவல்தொடர்புக்கு பயன்படுத்தும் நரம்பியக்கடத்திகளில் சிக்கல்களை ஏற்படுத்தும். மேலும், வைட்டமின் பி1 குறைபாட்டிற்கு வழிவகுக்கும். இது வெர்னிக் என்செபலோபதி எனப்படும் மூளைக் கோளாறையும் ஏற்படுத்தும்.
அதிகாலை தூக்கம்: இரவு தூக்கம் உடல் ஆரோக்கியத்தை மேம்படுத்தும். ஆனால் அதிகாலை தூக்கம் மூளையை மந்தமாக்கும். அதனால் இரவு மிகவும் லேட்டாக தூங்கி, காலையில் லேட்டாக எழுந்திருக்கும் பழக்கம் அளவிற்கு அதிகமான சோம்லைக் கொடுத்து மூளையை மந்தமாக்கும்.
பொறுப்பு துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டவை. இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ZEE MEDIA இந்த தகவல்களுக்கு பொறுப்பேற்காது.
