India National Cricket Team: ஆப்கானிஸ்தான் அணிக்கு எதிரான டி20 போட்டியில் இடம்பெறாத முக்கிய வீரர்கள் குறித்து இதில் காணலாம்.
இந்தியா - ஆப்கானிஸ்தான் அணிகளுக்கு இடையிலான மூன்று போட்டிகள் கொண்ட டி20 தொடர் நடைபெற உள்ளது. இதற்கான இந்திய அணி தற்போது அறிவிக்கப்பட்டுள்ளது. இதில் இடம்பெறாத முக்கிய வீரர்கள் குறித்து இதில் காணலாம்.
இஷான் கிஷன் - கடந்தாண்டு தொடக்கம் முதல் இந்திய அணியில் தொடர்ந்து விளையாடி வருவதால் இவருக்கு சற்று ஓய்வு அளிக்கப்பட்டுள்ளதாக தகவல்கள் கூறுகின்றன.
பும்ரா - இவர் சர்வதேச டி20 போட்டிகளில் விளையாடி நீண்ட நாளாகிவிட்டது. எனினும், டி20 உலகக் கோப்பை வரும் சூழலில் இவரும் அணியில் இடம்பிடிப்பார் என எதிர்பார்க்கப்பட்டது.
சிராஜ் - சிராஜ் தென்னாப்பிரிக்கா அணிக்கு எதிரான டி20 தொடரில் இடம்பெற்றிருந்தார். இருப்பினும் இதில் இடம்பெறாதது ஆச்சர்யமளிக்கிறது.
ஷ்ரேயாஸ் ஐயர்: ஆஸ்திரேலியா, தென்னாப்பிரிக்கா தொடரில் இடம்பெற்றிருந்தாலும் இதில் இவருக்கு வாய்ப்பளிக்கப்படவில்லை.
கேஎல் ராகுல் - இவரும் கடைசியாக 2022 டி20 உலகக் கோப்பையில்தான் விளையாடினார். அதன்பின் இவர் சர்வதேச டி20 போட்டியில் விளையாடவே இல்லை.
ஜடேஜா - இந்தியாவின் சிறந்த ஆல்ரவுண்டரான ஜடேஜா ஆப்கானிஸ்தான் தொடரில் இடம்பெறவில்லை. தென்னாப்பிரிக்காவுக்கு எதிரான டி20 தொடரில் துணை கேப்டனாக விளையாடியிருந்தது குறிப்பிடத்தக்கது.
சூர்யகுமார் யாதவ், ருதுராஜ் கெய்க்வாட், ஹர்திக் பாண்டியா ஆகியோர் காயம் காரணமாக இந்திய அணியில் இடம்பெறவில்லை.
