EPFO: EPF, EPS கணக்கில் ஆன்லைனில் நாமினியை மாற்ற சுலப வழி

EPFO: பணியாளர் வருங்கால வைப்பு நிதி அமைப்பில் (EPFO) உறுப்பினராக இருந்தால், உங்கள் பணியாளர் வருங்கால வைப்பு நிதி (EPF) மற்றும் பணியாளர் ஓய்வூதிய திட்டத்தில் (EPS) நாமினி இருக்க வேண்டும். 

வங்கிக் கணக்குகளில் இருப்பது போலவே, ஈபிஎஃப் மற்றும் இபிஎஸ் கணக்குகளிலும் நாமினி நியமனம்  செய்யப்பட வேண்டும். பணியாளருக்கு ஏற்படும் எதிர்பாரா அசம்பாவிதங்களால் குடும்பத்தினர் அலைகழியாமல் இருக்க நாமினி வசதியை அவசியம் பயன்படுத்திக் கொள்ளவேண்டும்.

Read Also | LPG சிலிண்டரை எங்கிருந்து வாங்கலாம்? இனி அது உங்கள் சாய்ஸ்

1 /4

EPFO அதன் உறுப்பினர் ஊழியர்களுக்கு ஆன்லைனில் நாமினி வசதி ஏற்படுத்திக் கொள்ளும் வாய்ப்பை வழங்குகிறது. இந்த சேவை டிஜிட்டல் முறையில் கிடைக்கிறது. அதாவது, ஈபிஎஃப் கணக்கு வைத்திருப்பவர் வீட்டில் இருந்தபடியே நாமினியை நியமிக்கலாம்.

2 /4

யுஏஎன் செயலில் உள்ள மற்றும் மொபைல் எண் ஆதார் உடன் இணைக்கப்பட்டுள்ள உறுப்பினர்களுக்கு மட்டுமே ஆன்லைனில் EPF கணக்கில் நாமினியை நியமிக்கலாம். ஈபிஎஸ் கணக்கிற்கும் EPF நாமினியே செல்லுபடியாகும்.  

3 /4

EPFO உறுப்பினர்கள் முதலில், EPFO வலைத்தளத்திற்குச் சென்று, 'சேவைகள்' பிரிவில் உள்ள 'ஊழியர்களுக்காக' என்பதைக் கிளிக் செய்யவும்.  அங்கே நீங்கள் 'உறுப்பினர் UAN / ஆன்லைன் சேவை (OCS / OTCP)' என்பதைக் கிளிக் செய்ய வேண்டும். இதில், யுஏஎன் மற்றும் கடவுச்சொல்லை உள்ளிட்டு உள்நுழைய வேண்டும். இதற்குப் பிறகு, 'நிர்வகி' என்ற பிரிவில் 'இ-நாமினி' என்பதைக் கிளிக் செய்யவும்.  'சேமி' என்பதைக் கிளிக் செய்யவும். குடும்பத்தினரின் விவரங்களை புதுப்பிக்க 'ஆம்' என்பதைக் கிளிக் செய்யவும். இப்போது 'குடும்ப விவரங்களைச் சேர்' என்பதைக் கிளிக் செய்க. இங்கே நீங்கள் ஒன்றுக்கு மேற்பட்ட நாமினிகளையும் சேர்க்கலாம். அப்போது, அவரவருக்கு எத்தனை சதவிகித பலன் என்று பிரித்து குறிப்பிடவேண்டும். இந்த விவரங்களை வழங்க, 'நியமன விவரங்கள்' என்பதைக் கிளிக் செய்க. விவரங்களை உள்ளிட்டு, 'ஈ.பி.எஃப் நியமனம்' என்பதைக் கிளிக் செய்க. அதன் பிறகு OTP ஐ உருவாக்க 'e-Sign' ஐக் கிளிக் செய்க. ஆதார் உடன் இணைக்கப்பட்ட மொபைல் எண்ணுக்கு OTP அனுப்பப்படும். நீங்கள் OTP ஐ உள்ளிட்டவுடன் உங்கள் ஆன்லைன் நாமினி நியமனம் EPFO இல் பதிவு செய்யப்படும்.

4 /4

EPFO உறுப்பினர் ஆயுள் காப்பீட்டு வசதியைப் பெறுகிறார். அனைத்து EPFO சந்தாதாரர்களும் ஊழியர்களின் வைப்பு இணைக்கப்பட்ட காப்பீட்டு திட்டத்தின் கீழ் உள்ளனர். காப்பீட்டு பாதுகாப்பு அதிகபட்சம் ரூ .7 லட்சம் வரை. இதில், குறைந்தபட்ச காப்பீட்டுத் தொகை ரூ .2.5 லட்சம் என்பது குறிப்பிடத்தக்கது.

You May Like

Sponsored by Taboola