பாதாம் மிகவும் சத்தான உணவு. பாதாம் சாப்பிடுவது மூளையை கூர்மையாக்குகிறது. இது திசுக்களை வலுவாக வைத்திருக்கும். முதுமை அண்டாமல் தடுக்கும். இன்னும் பல நன்மைகளை அள்ளித் தரும் பாதாம் பருப்பை எப்படி சாப்பிட்டால் முழு பயன் கிடைக்கும் என்பதை அறிந்து கொள்ளலாம்.
பாதாம் பருப்பு வைட்டமின் ஈ, துத்தநாகம், கால்சியம், மெக்னீசியம் மற்றும் ஒமேகா 3 கொழுப்பு அமிலங்களின் சிறந்த ஆதாரமாகும். பாதாமின் தோல் ஜீரணிக்க கடினமாக இருப்பதால், ஆயுர்வேதத்தில், பாதாம் ஊறவைத்து தோலை நீக்கிய பின் பாதாம் சாப்பிட வேண்டும் அறிவுறுத்தப்பட்டுள்ளது. பாதாம் உரித்து சாப்பிட்டால் நன்றாக ஜீரணமாகும்.
பாதாம் பருப்பை ஊறவைக்காமல், உரிக்காமல், அப்படியே சாப்பிடுவதால், இரத்தத்தில் பித்தத்தின் அளவை அதிகரிக்கிறது. பாதாம் பருப்பை இரவு முழுவதும் ஊறவைத்து அவற்றை உரித்து காலையில் சாப்பிடுவதே சிறந்தது. ஒரு நாளில் நீங்கள் சுமார் 10 பாதாம் சாப்பிடலாம்.
பாதாம் பருப்பை ஒருபோதும் வெறும் வயிற்றில் சாப்பிடக்கூடாது. வெறும் வயிற்றில் பாதாம் சாப்பிடுவது பித்தத்தை அதிகரிக்கிறது. மேலும், செரிமான பிரச்சனையையும் ஏற்படுத்துகிறது.
பாதாமின் தோலில் டானின்கள் உள்ளன, அவை ஊட்டச்சத்துக்கள் உறிஞ்சப்படுவதைத் தடுக்கின்றன. பாதாம் பருப்பை ஊறவைத்தால், தோலை எளிதில் எடுத்து விடலாம். உரித்த பிறகு, அதன் அனைத்து ஊட்டச்சத்துகளின் நன்மையை முழுமையாக பெறலாம்.
பாதாமில் ஆன்டி-ஆக்ஸிடன்ட்கள் நிறைந்துள்ளன. ஊறவைத்த பாதாம் எடை இழப்புக்கும் உதவுகிறது. இது தவிர, வைட்டமின் பி 17 மற்றும் ஃபோலிக் அமிலம் ஆகியவை ஊற வைத்த பாதாமில் காணப்படுகின்றன, இது புற்றுநோயிலிருந்து பாதுகாக்க உதவுகிறது.
