Guru Udhayam Palangal: குரு பகவான் ரிஷப ராசியில் உதயமாகிவிட்டார். இது மிக முக்கிய ஜோதிட நிகழ்வாக பார்க்கப்படுகின்ற்து. குரு உதயத்தால் மேஷம் முதல் மீனம் வரை அனைத்து ராசிகளிலும் ஏற்படவுள்ள மாற்றங்களை பற்றி இந்த பதிவில் காணலாம்.
Guru Udhayam Palangal: சுப கிரகமான குரு பகவான் மே 1 ஆம் தேதி ரிஷப ராசியில் பெயர்ச்சி ஆனார். குரு பெயர்ச்சி இந்த ஆண்டின் மிக முக்கியமான ஜோதிட நிகழ்வாகும். திருமணம், குழந்தைகள், கல்வி, செல்வம், செழிப்பு ஆகியவற்றின் காரணி கிரகமாக இருப்பவர் குரு பகவான். கடந்த சில நாட்களாக அஸ்தமன நிலையில் இருந்த அவர், நேற்று உதயமானார். ராசிகளில் குரு உதயத்தின் தாக்கம் பற்றி இங்கே காணலாம்.
மேஷம்: குரு உதயத்தின் தாக்கத்தால் மேஷ ராசிக்காரர்கள் கடினமான சூழ்நிலைகளைக் கூட கட்டுப்படுத்துவதில் வெற்றி பெறுவார்கள். நீண்ட நாட்களுக்கு முன் சிலருக்கு கொடுத்த பணம் திரும்ப கிடைக்கும் என்ற நம்பிக்கை உள்ளது. பங்குச் சந்தையில் முதலீடு செய்தால் நல்ல பணம் சம்பாதிக்கலாம். மூதாதையர் சொத்து தொடர்பான பிரச்னைகள் தீரும். வீடு அல்லது வாகனம் வாங்கும் யோகம் தற்போது உள்ளது.
ரிஷபம்: குரு உதயம் மற்றும் குரு பெயர்ச்சியின் காரணமாக ரிஷப ராசிக்காரர்களுக்கு இந்த நேரம் மிகவும் சாதகமாக இருக்கும். வெளிநாட்டு நிறுவனங்களில் சேவைக்காக அல்லது குடியுரிமைக்காக எடுக்கும் முயற்சிகளும் வெற்றி பெறும். பண வரவு அதிகமாகும். பொருளாதார நிலை மேம்படும். வீட்டில் மகிழ்ச்சி இருக்கும்.
மிதுனம்: மிதுன ராசிக்காரர்களுக்கு குரு உதயத்தால் ஆன்மீகத்தில் நாட்டம் அதிகரிக்கும். இந்த காலத்தில் நிதி நெருக்கடியை சந்திக்க நேரிடும். மாணவர்கள் வெளியூர் சென்று படிக்கும் முயற்சியில் இருந்தால், கிரக நிலைகளும் அதற்கு சாதகமாக இருக்கும். உங்கள் பெற்றோரின் ஆரோக்கியத்தில் கவனமாக இருங்கள். சில குழப்பங்கள் ஏற்படலாம்.
கடகம்: குரு உதயம் கடக ராசிக்காரர்களுக்கு சாதகமாக இருக்கும். இந்த காலத்தில் எடுக்கப்படும் முடிவுகள் முடிவுகள் மற்றும் செய்யப்படும் பணிகளும் பாராட்டப்படும். பிள்ளைகளின் பொறுப்புகள் நிறைவேற்றப்படும். புது தம்பதிகளுக்கு குழந்தை பிறக்கும் வாய்ப்பும் உள்ளது. திருமணம் ஆகாமல் தடைபடுபவர்களுக்கு இந்த காலத்தில் திருமணம் நிச்சயம் ஆகும்.
சிம்மம்: குரு உதயம் சிம்ம ராசிக்காரர்களுக்கு லாபகரமானதாக இருக்கும். நிலம், சொத்து சம்பந்தமான பிரச்சனைகள் தீரும். நீங்கள் வீடு அல்லது வாகனம் வாங்க விரும்பினால், அதற்கு கிரக நிலைகள் சாதகமாக இருக்கும். உத்தியோகத்தில் பதவி உயர்வு, இடமாற்றம் போன்ற வாய்ப்புகளும் உண்டாகும். நன்கு சிந்திக்கப்பட்ட உத்திகள் பலனளிக்கும்.
கன்னி: குரு உதயம் உங்களுக்கு ஒரு வரப்பிரசாதமாக இருக்கும். உங்கள் ஆரோக்கியம் நன்றாக இருப்பது மட்டுமல்லாமல், புதிய நபர்களுடனான உங்கள் தொடர்புகளும் அதிகரிக்கும். குடும்பத்தில் சுப காரியங்கள் நடைபெற வாய்ப்புகள் அமையும். உங்கள் ஆற்றலின் உதவியால், கடினமான சூழ்நிலைகளையும் எளிதாகக் கட்டுப்படுத்த முடியும். மூத்த குடும்ப உறுப்பினர்கள் மற்றும் மூத்த சகோதரர்களின் ஆதரவையும் பெறுவீர்கள்.
துலாம்: குரு உதயம் துலா ராசிக்காரர்களுக்கு சில பிரச்சனைகளை கொண்டு வரலாம். ஆரோக்கியத்தில் பாதகமான விளைவுகள் ஏற்படும். பணியிடத்திலும் சதிக்கு பலியாவதை தவிர்க்கவும். பொருளாதார நிலை வலுவாக இருக்கும். எதிர்பாராத பணம் கிடைக்க வாய்ப்பு உண்டு. இளைய குடும்ப உறுப்பினர்களுடன் கருத்து வேறுபாடுகள் வளர விடாதீர்கள். உங்கள் கால்களில் காயங்கள் ஏற்பட வாய்ப்புள்ளது. உங்கள் திட்டங்களை ரகசியமாக வைத்துக்கொண்டு வேலை செய்தால் அதிக வெற்றி பெறுவீர்கள்.
விருச்சிகம்: குரு உதயம் மற்றும் குரு பெயர்ச்சி காரணமாக, இந்த காலத்தில் சுப காரியங்கள் அதிகம் நடக்க வாய்ப்புள்ளது. கூட்டுத் தொழிலிலும் முன்னேற்றம் ஏற்படும். திருமணப் பேச்சுக்கள் வெற்றியடையும். திருமண வாழ்விலும் இனிமை இருக்கும். மத்திய, மாநில அரசுத் துறைகளின் எதிர்பார்த்த பணிகள் நிறைவேறும். நீங்கள் புதிய டெண்டருக்கு விண்ணப்பிக்க விரும்பினால், அதற்கு கிரக நிலைகளும் சாதகமாக இருக்கும்.
தனுசு: குரு உதயமும் குரு பெயர்ச்சியும் எதிர்பாராத பல ஏற்ற தாழ்வுகளை ஏற்படுத்தும். சர்ச்சைக்குரிய விஷயங்களை பேசி தீர்ப்பது நல்லது. நீதிமன்ற வழக்குகளில் இருந்து விரும்பத்தகாத தகவல்கள் வரலாம். அதிக செலவு காரணமாக, நீங்கள் நிதி நெருக்கடியை சந்திக்க வேண்டியிருக்கும். இந்தக் காலகட்டத்தில் வங்கி தொடர்பான கடன் பரிவர்த்தனைகளைத் தவிர்ப்பது நல்லது.
மகரம்: குரு உதயம் ஆக்கப்பூர்வமான விளைவுகளை அளிக்கும். மாணவர்களுக்கும் போட்டித் தேர்வுகளுக்கு தயாராகுபவர்களுக்கும் நல்ல செய்திகள் கிடைக்கும். ஆன்மீகத்தில் நாட்டம் அதிகரிக்கும். பிள்ளைகளின் பொறுப்புகள் நிறைவேற்றப்படும். புது தம்பதிகளுக்கு குழந்தை பிறப்பதற்கும் வாய்ப்புகள் உள்ளன. அரசாங்கத்தின் முழு ஆதரவையும் பெறுவீர்கள். வருமான ஆதாரங்கள் தொடர்ந்து அதிகரிக்கும்.
கும்பம்: குரு உதயம் அத்தனை சாதகமாக இருக்காது. குடும்பத்தில் கருத்து வேறுபாடுகள் மற்றும் மன அமைதியின்மை ஏற்படலாம். ஆரோக்கியமும் மோசமாகப் பாதிக்கப்படும். வயிறு தொடர்பான கோளாறுகளைத் தவிர்க்கவும். குடும்பத்தில் புதிய விருந்தினரின் வருகையால் சுமுகமான சூழல் இருக்கும். மத்திய அல்லது மாநில அரசுத் துறைகளில் ஏதேனும் டெண்டர் போன்றவற்றுக்கு நீங்கள் விண்ணப்பிக்க விரும்பினால், அதற்கு இது ஒரு நல்ல நேரமாக இருக்கும்.
மீனம்: பொருளாதார நிலை நாளுக்கு நாள் மேம்படும். குடும்பத்தில் சுப காரியங்கள் நடைபெற வாய்ப்புகள் அமையும். ஆதரவற்ற மக்களுக்கு உதவுவது நல்லது. வெளிநாட்டு நிறுவனங்களில் சேவைக்காக அல்லது குடியுரிமைக்காக எடுக்கும் முயற்சிகளும் வெற்றி பெறும். குழந்தைகளால் நல்ல செய்திகள் கிடைக்கும். குடும்பத்தில் அன்பும் மகிழ்ச்சியும் இருக்கும்.
பொறுப்பு துறப்பு: இங்கே கொடுக்கப்பட்டுள்ள தகவல்கள் பொதுவான நம்பிக்கைகள் மற்றும் தகவல்களின் அடிப்படையில் அமைந்துள்ளன. ஜீ மீடியா இந்த தகவல்களை உறுதிப்படுத்தவில்லை.
