சனி ராகு கேது வக்ர பெயர்ச்சி 2023: ஜூன் 17 அன்று, சனி, ராகு மற்றும் கேது வக்ர பெயர்ச்சி ஆன நிலையில், சில ராசிகள் மிகவும் எச்சரிக்கையாக இருக்க வேண்டும்.
ஜோதிட சாஸ்திரத்தின்படி, சனி கிரகம், ராகு-கேது ஆகிய நிழல் கிரகங்கள் வக்ர நிலையில் இருப்பது அனைத்து ராசிகளையும் பாதிக்கும் என்றாலும், சில குறிப்பிட்ட ராசிக்காரர்கள் கவனமாக இருக்க வேண்டும் என்பதை தெரிந்து கொள்ளுங்கள்.
கிரகங்களின் பெயர்ச்சிகள் அனைத்து ராசிக்காரர்களின் வாழ்க்கையையும் பாதிக்கிறது. சனியுடன் ராகு மற்றும் கேதுவின் வக்ர பெயர்ச்சி ஆகிறது. ராகு மேஷம் மற்றும் கேது துலாம் ராசியில் வக்ர பெயர்ச்சி ஆகிறார்கள். இந்த மூன்று கிரகங்களும் வரும் 6 மாதங்களுக்கு இதே நிலையிலேயே இருக்கப் போகின்றன. இது சில ராசிக்காரர்களுக்கு மோசமான பாதிப்புகளை ஏற்படுத்தும்.
கடக ராசிக்காரர்கள் செலவில் கவனமாக இருக்க வேண்டும். த்திசாலித்தனமாக செலவு செய்ய வேண்டிய அவசியம் உள்ளது. உத்தியோகத்தில் இருப்பவர்கள் எச்சரிக்கையுடன், கோப தாபத்தை விட்டு விலகி இருக்க வேண்டும். இல்லையெனில் வேலை இழக்கும் அபாயம் உள்ளது. இதுமட்டுமின்றி இவர்கள் அலுவலகத்தில் கடுமையாக உழைக்க வேண்டி இருக்கும். இதனால் மன உளைச்சலும் அதிகரிக்கும். பொருளாதாரம் பலவீனமாக இருக்கலாம். குடும்ப உறவுகளில் பிரச்சனைகள் வரலாம். உங்கள் ஆரோக்கியத்தில் சிறப்பு கவனம் செலுத்துங்கள்.
சிம்ம ராசிக்காரர்களுக்கு அடுத்த 6 மாதங்கள் மிகவும் சோதனையான காலமாக இருக்கும். இந்த நேரத்தில் நீங்கள் எந்த வேலையும் தொடங்க நினைக்க மாட்டீர்கள். அதே நேரத்தில், புதிய வேலையைச் செய்பவர்களும் சிக்கலைச் சந்திக்க நேரிடும். இந்த நேரம் முதலீட்டுக்கு உகந்தது அல்ல. அதனால்தான் எந்த இடத்திலும் பணத்தை முதலீடு செய்வதற்கு முன் யோசியுங்கள். இந்த மூன்று கிரகங்களின் வக்ர பெயர்ச்சி காரணமாக, மன அழுத்தம் அதிகமாக இருக்கும், இதன் காரணமாக மன ரீதியிலான பிரச்சனைகள் அதிகரிக்கலாம்.
சனி, ராகு மற்றும் கேதுவின் வக்ர நிலை விருச்சிக ராசிக்காரர்களுக்கு சாதகமற்ற முடிவுகளை ஏற்படுத்தக்கூடும். இந்த நேரத்தில், இந்த ராசிக்காரர்கள் தனிப்பட்ட மற்றும் தொழில் வாழ்க்கையில் தடைகளை சந்திக்க நேரிடும். இந்த நேரத்தில், தேவையற்ற வீண் பேச்சுக்களில் இருந்து விலகி இருக்க வேண்டும், இல்லையெனில் பெயர் கெட்டுவிடும். பொருளாதார நிலையை ப்பொறுத்தவரை செலவுகள் அதிகரிக்கலாம். இருப்பினும், வாழ்க்கை துணையின் உதவியுடன், நீங்கள் நிலைமையை சிறிது கட்டுப்படுத்த முடியும்.
பொறுப்பு துறப்பு: இங்கே கொடுக்கப்பட்டுள்ள தகவல்கள் பொதுவான நம்பிக்கைகள் மற்றும் தகவல்களின் அடிப்படையில் உள்ளன. ZEE NEWS இதற்கு பொறுப்பேற்காது.
