மாரடைப்பு என்பது யாரும் எதிர்பார்க்காத நேரத்தில் வரும் என்பதால் அதனைப் பற்றிய விழிப்புணர்வு தேவை.
நெஞ்சு வலி என்பது கவனிக்கப்பட வேண்டிய ஒன்று. மார்பில் ஒருவிதமான இறுக்கமான உணர்வு ஏற்படுவது கவனிக்கப்பட வேண்டிய அறிகுறியாக கருதப்படுகிறது.
திடீரென நெஞ்சு பகுதியில் இறுக்கமாக உணர்வது, பலவீனமாக உணர்வது, மூச்சுவிட முடியாமல் சிரமப்படுவது, அதிகளவில் வியர்த்தல் போன்றவை மாரடைப்பு ஏற்படுவதற்கு முன்னர் தோன்றும்.
மாரடைப்புக்கான முதல் அறிகுறி இடது கை மற்றும் அந்த பக்க மார்பில் வலி ஏற்படுவது தான், தாடையின் இடது பக்கமும், கழுத்தும் வலிக்க ஆரம்பிக்கும்.
இந்த வலியானது மிகவும் கடுமையானதாக இருக்கும், சிலருக்கு இது ஓரளவு எரிச்சலை தருவது போன்று இருக்கும். சிலருக்கு முக்கிய அறிகுறி தோள்பட்டை இடையே உள்ள முதுகுவலி.
இந்த அறிகுறிகள் இருந்தால் மாரடைப்பு என்பதை உணர்ந்து உடனடியாக மருத்துவ உதவி எடுத்துக் கொள்வது அவசியம்.
