சென்னை சூப்பர் கிங்ஸ் முதல் போட்டி
ஐபிஎல் 2023 மார்ச் 31 ஆம் தேதி பிரம்மாண்டமாக தொடங்குகிறது. முதல் போட்டியிலேயே எம்எஸ் தோனி தலைமையிலான சென்னை சூப்பர் கிங்ஸ் அணியும், ஹர்திக் பாண்டியா தலைமையிலான குஜராத் டைட்டன்ஸ் அணியும் களம் காண இருக்கின்றன. குஜராத் டைட்டன்ஸ் அணி இப்போது நடப்பு சாம்பியன். சென்னை சூப்பர் கிங்ஸ் அணி முன்னாள் சாம்பியனாக இருந்தாலும், கடந்த ஆண்டு சொல்லிக் கொள்ளும்படி விளையாடவில்லை. இந்த முறை மீண்டும் பெரிய கம்பேக் கொடுக்க வேண்டும் என்ற முனைப்பில் இருக்கிறது.
பென் ஸ்டோக்ஸ் நம்பிக்கை நட்சத்திரம்
அதற்காக ஐபிஎல் ஏலத்தில் கோடிகளை கொட்டி பென் ஸ்டோக்ஸை தட்டி தூக்கியிருக்கிறது. வேறு எந்த பிளேயருக்கும் சென்னை சூப்பர் கிங்ஸ் அணி இவ்வளவு பெரிய தொகையை செலவழித்தது இல்லை. பென் ஸ்டோக்ஸூக்கு செலவழித்திருக்கிறது என்றால், தோனிக்குப் பிறகு சிஎஸ்கேவின் நம்பிக்கை நட்சத்திரம் அவர் இருக்கப்போகிறார். தோனி இந்த ஆண்டு ஓய்வு பெற்றுவிட்டால் கேப்டன்சி பொறுப்பையும் பென் ஸ்டோக்ஸிடம் ஒப்படைக்கும் எண்ணத்தில் இருக்கிறது சிஎஸ்கே.
பென் ஸ்டோக்ஸ் காயம் அச்சுறுத்தல்
பென் ஸ்டோக்ஸூக்கு இப்போது காயம் அச்சுறுத்தல் இருக்கிறது. முழங்காலில் ஏற்பட்ட காயத்தில் இருந்து அண்மையில் மீண்டிருந்தாலும், நியூசிலாந்துக்கு எதிரான தொடரில் அதிக ஓவர்கள் வீசவில்லை. ஆனால் ஐபிஎல் போட்டி அப்படி இருக்காது. அவர் ஓவர் வீச வேண்டியிருக்கும். இதுகுறித்து பேசிய இங்கிலாந்து அணியின் பயிற்சியாளர் பிரெண்டன் மெக்கலம், பென் ஸ்டோக்ஸ் மீது நம்பிக்கை இருக்கிறது. அவர் அயர்லாந்து மற்றும் ஆஷஸ் டெஸ்ட் தொடர்களில் விளையாடுவதை முதன்மையாக எண்ணியுள்ளார். அதேபோல் சிஎஸ்கே அணி மீதும் நம்பிக்கை இருக்கிறது. அவரை நன்றாக பார்த்துக் கொள்ளும் என கூறியிருக்கிறார்.
சிஎஸ்கே அணி நிர்வாகம் நம்பிக்கை
பென் ஸ்டோக்ஸ் ஐபிஎல் பங்கேற்பு குறித்து பேசும்போது, சென்னை சூப்பர் கிங்ஸ் அணிக்காக முழுமையாக ஐபிஎல் தொடரில் விளையாடுவேன் என்றும், இது குறித்து அந்த அணியின் பயிற்சியாளர் ஸ்டீபன் பிளெம்மிங்கிடம் ஏற்கனவே பேசிவிட்டதாகவும் தெரிவித்தார். இருப்பினும் அவரின் வருகை குறித்த சந்தேகங்கள் இருந்து கொண்டே இருந்த நிலையில், முதன்முறையாக சென்னை சூப்பர் கிங்ஸ் அணி விளக்கம் கொடுத்துள்ளது. பென் ஸ்டோக்ஸ் ஐபிஎல் 2023 தொடரில் முழுமையாக சென்னை அணியுடன் இருப்பார் என தெளிவுபடுத்தியுள்ளது.
மேலும் படிக்க | தோனி போல் செயல்படமாட்டேன் - ஆர்சிபி கேப்டன் டூபிளசிஸ்
மேலும் படிக்க | IPL2023: தோனி ஹூக்கா மிகவும் விரும்பி பிடிப்பார் - ஜார்ஜ் பெய்லி
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
