Chandrayaan 3: అసాధ్యం సుసాధ్యమైంది. చంద్రుడి దక్షిణ ధృవంపై తొలిసారిగా కాలు మోపింది విక్రమ్ ల్యాండర్. చంద్రయాన్ 3 విజయవంతమైంది. ఇస్రో కీర్తి శిఖరానికి చేరింది.
Chandrayaan 3: భారత అంతరిక్ష పరిశోధనా సంస్థ ఇస్రో చరిత్ర లిఖించింది. ఊహించినట్టే సరిగ్గా 6.04 గంటలకు విక్రమ్ ల్యాండర్ చంద్రునిపై విజయవంతంగా కాలుమోపింది. అగ్రరాజ్యాలు సైతం చేతులెత్తేసిన దక్షిణ ధృవంపై తొలిసారి అడుగుపెట్టిన దేశంగా ఇండియా ఖ్యాతినార్జించింది. ఆ దృశ్యాలు మీ కోసం...
చంద్రయాన్ 2 విఫలమైనా చంద్రయాన్ 3కు శ్రీకారం చుట్టి విజయం సాధించింది. చంద్రుని మిషన్ లో అగ్రరాజ్యం అమెరికా ఇప్పటి వరకూ 26 సార్లు విఫలం కాగా రష్యా 14 సార్లు వైఫల్యం చెందింది.
41 రోజుల ప్రయాణం తరువాత చంద్రుని దక్షిణ ధృవంపై విజయవంతంగా అడుగుపెట్టింది
ఇవాళ అంటే ఆగస్టు 23 సాయంత్రం 5.47 గంటలకు ప్రారంభమైన సాఫ్ట్ ల్యాండింగ్ ప్రక్రియ...17 నిమిషాల టెర్రర్ సమయాన్ని దాటుకుని విజయవంతంగా అడుగెట్టింది.
భారత అంతరిక్ష పరిశోధనా సంస్థ ఇస్రో చరిత్ర లిఖించింది. ఊహించినట్టే సరిగ్గా 6.04 గంటలకు విక్రమ్ ల్యాండర్ చంద్రునిపై విజయవంతంగా కాలుమోపింది. అగ్రరాజ్యాలు సైతం చేతులెత్తేసిన దక్షిణ ధృవంపై తొలిసారి అడుగుపెట్టిన దేశంగా ఇండియా ఖ్యాతినార్జించింది.
ఆగస్టు 1న చంద్రుని కక్ష్యలో ప్రవేశపెట్టాక అక్కడి నుంచి చంద్రుని వైపుకు పరిభ్రమించసాగింది. క్రమ క్రమంగా చంద్రుని కక్ష్యలో దూరం తగ్గించుకుంటూ వెళ్లింది. ఆగస్టు 17న విక్రమ్ ల్యాండర్, ప్రజ్ఞాన్ రోవర్‌లు ప్రొపల్షన్ మాడ్యూల్ నుంచి విజయవంతంగా విడిపోయాయి.
జూలై 14న శ్రీహరికోటలోని సతీష్ ధావన్ స్పేస్ సెంటర్ నుంచి ప్రయోగించిన చంద్రయాన్ 3 అనుకున్న సమయానికి ఆగస్టు 23 సాయంత్రం సరిగ్గా 6.04 గంటలకు సురక్షితంగా ల్యాండ్ అయింది.
ఇస్రో శాస్త్రవేత్తలకు ప్రధాని నరేంద్ర మోదీ అభినందనలు తెలిపారు. జాతీయ జెండా ఉపి దేశ ప్రజలకు శుభాకాంక్షలు అందించారు. ఇవాళ మనమంతా ఓ అద్భుతం కళ్లారా చూశామని..చంద్రయాన్ 3 సక్సెస్‌తో తన జీవితం ధన్యమైందన్నారు.
