IPL 2023 Latest Updates: ఇండియన్ ప్రీమియర్ లీగ్ (ఐపీఎల్) 2023 సీజన్ మార్చి 31 నుంచి ప్రారంభం కానుంది. ప్రపంచంలోని అత్యంత ఖరీదైన లీగ్‌లో ప్రపంచం నలుమూలల నుంచి ఆటగాళ్లు అందరూ పాల్గొంటారు. ఈ నేపథ్యంలో లీగ్ చరిత్రలో అత్యధిక దూరం సిక్సర్లు బాదిన టాప్-5 భారత బ్యాట్స్‌మెన్ జాబితాను చూద్దాం..
ఈ జాబితాలో టీమిండియా స్వింగ్‌ బౌలర్‌ ప్రవీణ్ కుమార్‌ నంబర్‌ వన్‌ స్థానంలో ఉన్నాడు. మీరు ఆశ్చర్యపోవచ్చు. ఈ టోర్నీ అత్యధిక దూరం సిక్సర్ బాదిన భారత ఆటగాళ్ల జాబితాలో అతనే ముందున్నాడు. కింగ్స్ ఎలెవెన్ పంజాబ్ తరుఫున ఆడిన ప్రవీణ్.. 124 మీటర్ల పొడవైన సిక్స్ కొట్టడం విశేషం.
ఈ జాబితాలో రాబిన్ ఉతప్ప రెండో స్థానంలో ఉన్నాడు. రాయల్ ఛాలెంజర్స్ బెంగళూరుకు ఆడుతున్నప్పుడు ఉతప్ప 120 మీటర్ల దూరం సిక్సర్ కొట్టాడు.
టీమిండియా ఆల్‌రౌండర్ యువరాజ్ సింగ్ ఈ జాబితాలో మూడో స్థానంలో ఉన్నాడు. కింగ్స్ ఎలెవన్ పంజాబ్ తరఫున ఆడుతున్నప్పుడు యువరాజ్ కొట్టిన బంతి 119 మీటర్ల దూరం పోయింది.
కోల్‌కతా నైట్ రైడర్స్ తరఫున గౌతం గంభీర్ 117 మీటర్ల దూరం సిక్సర్ బాదాడు.
చెన్నై సూపర్ కింగ్స్ జట్టుకు నాలుగుసార్లు ఐపీఎల్ ట్రోఫీని అందించిన మిస్టర్ కూల్ ఎంఎస్ ధోని ఈ జాబితాలో ఐదవ స్థానంలో నిలిచాడు. చెన్నై తరఫున ధోని 115 మీటర్ల సిక్సర్ కొట్టాడు.
