Allu Arjun Pushpa 2 Updates: ప్రస్తుతం పాన్ ఇండియా వైడ్‌గా అభిమానులు ఆసక్తిగా ఎదురుచూస్తున్న మూవీ పుష్ప-2. ఐకాన్ స్టార్ అల్లు అర్జున్, రష్మిక జంటగా సుకుమార్ దర్శకత్వంలో తెరకెక్కుతోంది. పార్ట్-1 బ్లాక్‌బస్టర్ హిట్ కావడంతో అందరి కళ్లు పార్ట్-2పైనే ఉన్నాయి. తాజాగా ఈ మూవీకి సంబంధించి మరో అప్‌డేట్ తెరపైకి వస్తోంది.
పుష్ప-2 మూవీ ఆగస్టు 15వ తేదీన ఆడియన్స్ ముందుకు రానుంది. ఈ మూవీకి సంబంధించిన అప్‌డేట్ కోసం ప్రేక్షుకులు ఇంట్రెస్టింగ్‌గా ఎదురుచూస్తున్నారు.
పుష్ప మూవీలో ఐటెం సాంగ్‌లో సమంత మెప్పించిన విషయం తెలిసిందే. పుష్ప 2 సినిమాలో కూడా ఓ ఐటెం సాంగ్ ఉంటుందని అంటున్నారు. ఈ పాటకు బాలీవుడ్ బ్యూటీ స్టెప్పులు వేయనున్నట్లు తెలుస్తోంది.
యానిమల్ సినిమాతో యూత్‌లో మంచి క్రేజ్‌ సంపాదించుకుంది తృప్తి దిమ్రీ. పుష్ప 2లో ఐటెం సాంగ్‌లో ఛాన్స్‌ కొట్టేసినట్లు తెలుస్తోంది.
ఐటెం సాంగ్ మాత్రమే కాకండా.. అల్లు అర్జున్‌కు రెండో భార్యగా త్రిప్తి దిమ్రీ కనిపించనుందని టాక్ నడుస్తోంది.
శ్రీవల్లి పాత్రలో రష్మిక మందన్న అర్జున్‌కి మొదటి భార్యగా ఉండగా.. మూవీలో త్రిప్తి దిమ్రీ రెండవ భార్యగా నటిస్తుందని ఊహాగానాలు వస్తున్నాయి.
అయితే ఈ విషయంపై పుష్ప మూవీ టీమ్ ఎలాంటి అధికారిక ప్రకటన ఇవ్వలేదు.
