Lucky Gemstones: జ్యోతిష్యం శాస్త్రంకు ప్రాధాన్యత ఉన్నట్టే హిందూమతంలో రత్న శాస్త్రానికి కూడా మహత్యముంది. రత్నశాస్త్రంలో వివిధ రకాల రత్నాలు, రంగు రాళ్లు, పగడాలు, ముత్యాల గురించి ప్రస్తావన ఉంది. ప్రతి రత్నానికి ఏదో ఒక గ్రహంతో సంబంధముంటుంది. ఏది ఏ గ్రహానిదో తెలుసుకుని మాత్రమే ధరించాలంటారు జ్యోతిష్య పండితులు.
Lucky Gemstones: ఎవరిదైనా జాతకంలోని కుండలిలో గ్రహం బలహీనంగా ఉంటే సంబంధిత గ్రహానికి చెందిన రత్నాన్ని ధరించమని సూచిస్తుంటారు. ఇలా చేయడం వల్ల గ్రహ స్థానం బలపడి మంచి జరుగుతుందని నమ్మకం. లేకపోతే లేని సమస్యలు ఎదుర్కోవల్సి వస్తుంది. ఆర్ధిక కష్టాలు కూడా వెంటాడవచ్చు.
ముత్యాలకు నేరుగా చంద్రునితో సంబంధముంటుందంటారు. చంద్రుడు శాంతిగా ఉండాలని ధరిస్తుంటారు. ముత్యం ధరించిన వారం రోజుల్లో ప్రభావం కన్పిస్తుంది. మేషం, కర్కాటకం, తులా, మీన రాశులకు ముత్యం చాలా మంచిది.
గోమేథికం రత్నానికి మంగళ గ్రహంతో సంహబంధముంటుంది. 21 నుంచి 30 రోజుల్లో ప్రభావం కన్పిస్తుంది. మంగళ దోషాల్ని దూరం చేసేందుకు ఇది అద్బుతంగా పనిచేస్తుంది.
గ్రీన్ స్టోన్ సంబంధం నేరుగా బుధుడితో ఉంటుంది. సరైన రీతిలో ధరిస్తే 7 రోజుల తరువాత శుభ ప్రభావం కన్పిస్తుంది.
ఎమెరాల్డ్. ఇది అన్ని గ్రహాలకు చెందింది. 15 రోజుల తరువాతే దీని ప్రభావం కన్పిస్తుంది. మిధునం, కన్యా, వృషభ రాశులవారికి ఇది చాలా మంచిదని చెబుతారు.
డైమండ్ ప్రభావం నేరుగా శుక్రగ్రహంతో ఉంటుంది. డైమండ్ ధరిస్తే అంతా మంచి జరుగుతుందని అంటారు. ఇది దరించిన 22 రోజుల తరువాత ప్రభావం కన్పిస్తుంది. మిధునం, వృషభం, తుల , కన్యా, మకర రాశులకు చాలా చాలా మంచిది.
రత్నశాస్త్రం ప్రకారం బ్లూ స్టోన్ సంబంధం నేరుగా శని గ్రహంతో ఉంది. ఈ రత్నాన్ని చాలా శక్తివంతమైందిగా, ఆకర్షణీయమైందిగా చెబుతారు. ఎవరికైనా ఇది సెట్ అయిందంటే..ఇక ఆ వ్యక్తి రారాజు కావడం ఖాయం
