Jagananna Sports Celebrations: చిత్తూరు జిల్లా నగరి ప్రభుత్వ డిగ్రీ కళాశాలలో సోమవారం జిల్లా జగనన్న క్రీడా సంబరాలను మంత్రి రోజా ప్రారంభించారు. చిత్తూరు జిల్లా నుంచి కుప్పం, పలమనేరు, పుంగనూరు, చిత్తూరు, పూతలపట్టు, గంగాధర నెల్లూరు, నగరి నియోజక వర్గాలకు చెందిన క్రీడాకారులు ఈ పోటీల్లో పాల్గొంటున్నారు.
ఈ సందర్భంగా క్రీడాకారులతో కలిసి మంత్రి రోజా సరదాగా ఆటలు ఆడారు. ఈ కార్యక్రమానికి సంబంధించిన ఫొటోలను ఆమె సోషల్ మీడియాలో షేర్ చేశారు.
బ్యాట్ పట్టి క్రికెట్ ఆడిన రోజా.. క్రీడాకారుల్లో ఫుల్ జోష్ నింపారు.
క్రికెట్‌తో పాటు కబడ్డీ, వాలీబాల్ కూడా ఆడి ఆటగాళ్లను ఆమె ఉత్సాహపరిచారు.
క్రీడలు మానసిక ఉల్లాసానికి ఎంతో దోహదపడతాయని.. తల్లిదండ్రులు తమ పిల్లలను ఆటలు ఆడేవిధంగా ప్రోత్సహించాలని ఆమె సూచించారు.
ఈ కార్యక్రమంలో మంత్రి రోజాతో పాటు ఎంపీ రెడ్డెప్ప, చిత్తూరు జేసీ వెంకటేశ్వర్, అధికారులు, పార్టీ నాయకులు పాల్గొన్నారు.
