Nirjala Ekadashi 2024 Donate: ప్రతి మాసం రెండు ఏకాదశులు వస్తాయి. అలా ఏడాదికి 24 ఏకాదశి పూజ చేస్తారు. అయితే, ప్రతి ఏకాదశికి ఒక్కో ప్రత్యేకత ఉంది. ఈ మాసం జ్యేష్ఠమాసంలో వచ్చే ఏకాదశిని నిర్జల ఏకాదశి అంటారు. ఈరోజు విష్ణు పూజ ఆచరిస్తారు. సాధారణంగా ఏకాదశి అంటేనే అన్నం ముట్టారు. ఈ ఏకాదశికి నీరు కూడా తీసుకోకుండా ఉపవాసం చేస్తారు. అందుకే ఈ ఏకాదశికి నిర్జల ఏకాదశి అని పేరు.
ఏకాదశి రోజు ఉదయం లేచి స్నానం చేసి ఇంట్లో పూజలు చేసి, విష్ణు ఆలయాలకు కూడా వెళ్లి పూజించడంతోపాటు ఉపవాసం కూడా ఉంటారు. అయితే, ఈ నిర్జల ఏకాదశి రోజు ఏ దానం చేస్తే ఆర్థిక శ్రేయస్సు, పాపాలు తొలగిపోతాయో తెలుసుకుందాం.
నిర్జల ఏకాదశిరోజు ఉపవాసం ఉండి మరుసటి రోజు ఉపవాసం విరమిస్తారు. ఈరోజు ముఖ్యంగా దానానికి ప్రాముఖ్యత కలిగి ఉంది. పేదలకు ఈరోజు తెల్లని వస్త్రాలు దానం చేస్తే మంచిది.
ముఖ్యంగా ఈ ఏడాది నిర్జల ఏకాదశి జూన్‌ 18న రానుంది. ఈరోజు విష్ణు భగవాణుని భక్తిశ్రద్ధలతో కొలుస్తారు. ఇలా పేదలకు కూడా దానం చేయడం వల్ల విష్ణు అనుగ్రహం మీపై ఎల్లవేళాల ఉంటుంది.
నిర్జల ఏకాదశిరోజు నిరుపేదలకు పుచ్చకాయ దానం కూడా ఇవ్వచ్చు. అంతేకాదు ఈరోజు తెల్లనిపాలను కూడా దానం ఇస్తారు. ఇది మీ ఇంటికి సుఖఃసంతోషాలను తీసుకువస్తుంది.
ముఖ్యంగా సీజన్‌ కాబట్టి మార్కెట్లో మామిడికాయలు ఎక్కువగా విక్రయిస్తున్నారు. పేదలకు నిర్జల ఏకాదశిరోజు మామిడిపండు దానం చేస్తే కూడా మీ పాపాలు తొలగిపోతాయి. ఆర్థిక శ్రేయస్సు కలుగుతుంది.(Disclaimer: ఇక్కడ ఇవ్వబడిన సమాచారం సాధారణ నమ్మకాలు మరియు సమాచారంపై ఆధారపడి ఉంటుంది. ZEE NEWS దీన్ని ధృవీకరించలేదు.)
