Sankranti Holidays In AP: సంక్రాంతి సెలవులు వచ్చాయంటే స్కూలు పిల్లలు ఎగిరి గంతేస్తారు. ఎందుకంటే ఈ సెలవులు ఏడాదికి ఒకసారి వచ్చే సంక్రాంతి పండుగ సందర్భంగా ఇస్తారు. ఏకంగా వారంపాటు ఈ సెలవులు ఉంటాయి. అయితే, ఈ సారి సంక్రాంతి సెలవులు రద్దు చేయనున్నట్లు తెలుస్తోంది.
సంక్రాంతి ప్రతి ఏడాదిక ఒకసారి వస్తుంది. ముఖ్యంగా ఆంధ్రప్రదేశ్‌లో ఈ పండుగ చాలా వేడుకగా జరుపుకుంటారు. ఈ పండుగ సమయానికి పిల్లా, పెద్దా ఎక్కడ ఉన్నా సొంత గ్రామానికి చేరుకుంటారు.
ఈ పండుగ ముఖ్యంగా మూడు రోజులపాటు నిర్వహిస్తారు. భోగి, సంక్రాంతి, కనుమ. అయితే, సంక్రాంతి పండుగకు సొంత ఊరు లేదా అమ్మమ్మలు ఊళ్లకు పిల్లలు పెద్దలు కూడా వెళ్తారు.
సంక్రాంతి పండుగ ప్రత్యేకం పిండి వంటలు, కొత్తబట్టలు కొనుగోలు చేయడం. దీంతోపాటు పందెం కోళ్లు, ఎడ్ల పోటీలు ఇలా ఉత్సవంగా ఈ పండుగ జరుపుకుంటారు. అందుకే దేశంలో ఎక్కడ ఉన్న ఈ పండుగ సమయానికి సొంతూరుకు వెళ్లాలనుకుంటారు.
కానీ, ఈ ఏడాది విద్యార్థులకు బ్యాడ్‌ న్యూస్‌ అని చెప్పాలి. అది కూడా కేవలం పదో తరగతి చదువుతున్న విద్యార్థులకు ఎందుకంటే పదో తరగతి పబ్లిక్‌ పరీక్షల నేపథ్యంలో ఈ పండుగ సెలవులను కుదించేలా సర్కారు నిర్ణయించింది.
మార్చి 15 నుంచి పరీక్షలు నిర్వహించేలా ఇప్పటికే విద్యాశాఖ తయారు చేసింది. దీన్ని ప్రభుత్వ పరిశీలనకు పంపించింది. ఈ నేపథ్యంలో ప్రత్యేక తరగతులు పదో తరగతి చదివేవారికి నిర్వహించనున్నారు. దీంతో వారికి కేవలం సంక్రాంతి సెలవులు మూడు రోజులు వస్తాయని అంటున్నారు.
