Pitru Paksham Must Not Do: పితృపక్షం అంటే పితరులకు ప్రత్యేకం. ఈ సమయంలో చనిపోయిన పెద్దలకు శ్రాద్ధం, తర్పణం చేస్తారు. ప్రతి ఏడాది ఓ 15 రోజులపాటు వారికి అంకితం చేశారు. ఈ ఏడాది పితృపక్షం రేపు 18వ తేదీ బుధవారం నుంచి ప్రారంభం కానుంది. ఈ సమయంలో ప్రత్యేకించి మగవారు ఓ 5 పనులు పొరపాటను కూడా చేయకూడదు.
పితృపక్షం దినాల్లో చనిపోయిన పెద్దవారు ఈ భూమిపై సంచరిస్తారు అని నమ్ముతారు. తమ కుటుంబ సభ్యులను ఆశీర్వదిస్తారు. అందుకే వారికి శ్రాద్ధకర్మలు నిర్వహించాలని పండితులు చెబుతారు. ఈ ఏడాది సెప్టెంబర్‌ 18వ తేదీ పితృపక్షం దినాలు ప్రారంభం అవుతాయి. అక్టోబర్‌ 2వ తేదీ మహాలయ అమావాస్యతో ముగియనుంది.
సాధారణంగా పితృదేవతల ఆశీర్వాదం ఉంటేనే వంశాభివృద్ధి, జీవితంలో ఇతర ఆటంకాలు కూడా ఎదురవ్వకుండా ఉంటాయని నమ్ముతారు. అందుకే వారిని శాంతింపజేయడానికి పితృపక్షం దినాలు. ఈ సమయంలో శ్రాద్ధ కర్మలు నిర్వహించడం, కాకులు పిండ ప్రదానం, బ్రాహ్మణులకు భోజనాలు, వస్త్రదానం వంటివి చేస్తారు.
అయితే, ప్రతి ఏడాది భాద్రపద శుక్లపక్ష పౌర్ణమిరోజు ప్రారంభమై, ఆశ్వీయుజ మాసం కృష్ణపక్షం అమావాస్యతో ముగుస్తుంది. ఈ సందర్భంగా పితృపక్షం దినాలలో ముఖ్యంగా మగవారు చేయకూడని పనులు ఏంటో తెలుసుకుందాం.
పితృపక్షంలో పొరపాటున కూడా ఆహారంలో ఉల్లి, వెల్లుల్లిని తినకూడదు. ఈ సమయంలో ఏ దానధర్మాలు చేసినా పితరుల ఆశీర్వాదం లభిస్తుంది. ఈ సమయంలో ఉదయం లేచి స్నానదానాలు నిర్వహిస్తారు. మహిళలు రుతుక్రమంలో ఉన్నప్పుడు పితృపక్షంలో పితరుల కోసం ఆహారాలు చేయకూడదు. మగవారు ఆ పనులు చేయవచ్చు.
మద్యం మంసానికి దూరంగా ఉండాలి. ఈ సమయంలో బ్రహ్మచర్యం పాటించాలి. ఇక పితృపక్షం అంటే పీడదినాలుగా పరిగణిస్తారు కాబట్టి కొత్త పనులు ప్రారంభించకూడదు. శుభకార్యాలు చేయకూడదు. కారు ఇల్లు వంటివి కొనుగోలు చేయరు.
ముఖ్యంగా మగవారు హెయిర్‌ కట్‌, గోళ్లు కత్తిరించడం, షేవింగ్ వంటివి చేసుకోకూడదు. కొత్త దుస్తులు కూడా కొనుగోలు చేయరు. కానీ, దుస్తులను పేదవారికి దానంగా ఇవ్వవచ్చు.
పితృపక్షం సమయంలో ప్రతిరోజూ భోజనంలో మొదటి ముద్ద పితరుల కోసం తీసి పక్కనబెట్టాలి. దాన్ని గోవుకు పెట్టాలి. కాకులకు కూడా ఈ పక్షంలో ఆహారం పెడతారు.(Disclaimer: ఇక్కడ ఇవ్వబడిన సమాచారం సాధారణ నమ్మకాలు మరియు సమాచారంపై ఆధారపడి ఉంటుంది. ZEE NEWS దీన్ని ధృవీకరించలేదు.)
