పిల్లల కోసం ఎగ్‌ రోల్స్‌.. వదలకుండా తింటారు!

ప్రస్తుతం చాలా మంది ఎగ్‌లను తినేందుకు ఇష్టపడరు.

ఎగ్‌ రోల్స్‌ చాలా రుచికరమైన స్నాక్స్. వీటిని ఇంట్లోనే చాలా సులభంగా తయారు చేసుకోవచ్చు.

ఉడక బెట్టిన గుడ్లు తినని వారికి ఇలా ఎగ్‌ రోల్స్‌ చాలా నచ్చుతుంది.

ఎగ్‌ రోల్స్‌ను పిల్లలు కూడా ఎంతో ఇష్టంగా తింటూ ఉంటారు. వీటిని ఎలా తయారు చేయాలో తెలుసా?

ఎగ్‌ రోల్స్‌ను ఇంట్లోనే సులభంగా ఇలా తయారు చేసుకోండి..

కావలసిన పదార్థాలు: గోధుమ పిండి - 2 కప్పులు, గుడ్లు - 2, ఉప్పు - రుచికి సరిపడా, నూనె - వేయించడానికి

కావలసిన పదార్థాలు: ఉల్లిపాయ - 1 (తరిగినది), కీర - 1 (తరిగినది), దోసకాయ - 1 (తరిగినది), నిమ్మకాయ - 1/2 (రసం)

కావలసిన పదార్థాలు: మిరియాల పొడి - రుచికి సరిపడా, చాట్ మసాలా - రుచికి సరిపడా, టమాటో సాస్ - రుచికి సరిపడా, చిల్లీ సాస్ - రుచికి సరిపడా

తయారీ విధానం: ఒక బౌల్‌లో గోధుమ పిండిని తీసుకొని, అందులో కొంచెం ఉప్పు వేసి బాగా కలపండి.

తగినంత నీరు, కొద్దిగా నూనె వేసి ముద్దలా చేసుకోండి. ఈ ముద్దను ఒక అరగంట పాటు పక్కన పెట్టుకోండి.

అరగంట తర్వాత, ముద్దను కావలసిన సైజులో బాల్స్‌గా తీసుకొని చపాతీలుగా చేసుకోండి.

ఒక బౌల్‌లో రెండు గుడ్లను కొంచెం ఉప్పు వేసి బాగా బీట్ చేసి పక్కన పెట్టుకోండి.

స్టవ్‌పై ఒక పెనం పెట్టి, నూనె వేడి చేయండి. వేడి చేసిన పెనంలో చపాతీని వేసి రెండు వైపులా బాగా కాల్చుకోండి.

అదే పెనంలో కొంచెం నూనె వేసి, బీట్ చేసిన గుడ్లను పోసి, మనం చేసుకున్న చపాతీ సైజులో ఆమ్లెట్‌గా వేయించుకోండి.

ఆమ్లెట్ కొంచెం కాలిన తర్వాత.. రెడీ చేసుకున్న చపాతీని దానిపై పెట్టుకోండి.

చపాతీపై ఉల్లిపాయ, కీర, దోసకాయ, నిమ్మరసం, మిరియాల పొడి, చాట్ మసాలా, టమాటో సాస్, చిల్లీ సాస్ వేసి రోల్ చేసుకోండి.

అంతే సులభంవగా రుచికరమైన ఎగ్‌ రోల్స్‌ సిద్ధం!