સરકારની આ યોજનામાં તમે ઘરબેઠા કરી શકો છો કમાણી, 3 વર્ષ સુધી ઉઠાવો આ લાભ

PM Kusum Yojana : જો તમે સરકારની પીએમ કુસુમ યોજનાનો લાભ લેવા માંગતા હો, તો તમે 31 માર્ચ, 2026 સુધી આ યોજનાનો લાભ લઈ શકો છો. ભારત સરકારે પીએમ-કુસુમ યોજનાને માર્ચ 2026 સુધી લંબાવી છે. કોવિડ-19 રોગચાળાને કારણે તેનો અમલ ખૂબ પ્રભાવિત થયો હતો. પ્રધાનમંત્રી કિસાન ઉત્થાન મહાભિયાન (PM-KUSUM) યોજના 2019 માં શરૂ કરવામાં આવી હતી. નવી અને નવીનીકરણીય ઉર્જા મંત્રાલય (MNRE) એ ખેડૂતો માટે સૌર પંપ અને ગ્રીડ સાથે જોડાયેલા સૌર અને અન્ય નવીનીકરણીય ઉર્જા પ્લાન્ટ સ્થાપવા માટે PM KUSUM યોજના શરૂ કરી છે. આ યોજનાનો મુખ્ય ઉદ્દેશ્ય 2022 સુધીમાં સૌર ક્ષમતાને 30,800 મેગાવોટ સુધી વધારવાનો હતો. તેના અમલીકરણ એજન્ટોને સર્વિસ ચાર્જ સહિત રૂ. 34,422 કરોડની કુલ કેન્દ્રીય નાણાકીય સહાય મળી છે.

આ યોજના 3 ઘટકોમાં સમાવિષ્ટ છે

કમ્પોનન્ટ Aમાં, 2 મેગાવોટ સુધીની ક્ષમતાનો એક નાનો પાવર પ્લાન્ટ સ્થાપિત કરીને 10,000 મેગાવોટ સૌર ઉર્જા ઉત્પન્ન કરવાની છે.
કમ્પોનન્ટ B 20 લાખ સ્ટેન્ડઅલોન સોલાર પાવર્ડ એગ્રીકલ્ચર પંપ માટે છે
કમ્પોનન્ટ C 15 લાખ ગ્રીડ સાથે જોડાયેલા કૃષિ પંપના સોલારાઇઝેશન માટે છે.

પીએમ કુસુમ યોજનાના લાભો

પીએમ કુસુમ યોજના દ્વારા સોલાર પંપ સિસ્ટમથી વીજળીનું ઉત્પાદન કરી શકાય છે. જો તમે તમારા ઉપયોગ કરતાં વધારે વીજળી ઉત્પન્ન કરો છો, તો તમે તેને વીજળી વિતરણ નિગમને વેચીને કમાણી કરી શકો છો. જો તમારી પાસે નિષ્ક્રિય ખાલી જમીન હોય, તો તમે તેને સરકારને લીઝ પર આપીને કમાણી કરી શકો છો. તમારી જમીન પર સોલાર સિસ્ટમ લગાવવા માટે સરકાર ભાડું ચૂકવશે.

આ પણ વાંચો 
કચરામાં ગયેલા પ્લાસ્ટિકમાંથી બનેલું છે PM મોદીનું આ ખાસમખાસ જેકેટ, કિંમત જાણી છક થશો
સુરતના ચોરના શોખ કરોડપતિઓને પણ ટક્કર મારે એવા, ચોરી કરીને ફાઈવસ્ટાર હોટલમાં જતો...

પીએમ કુસુમ યોજનામાં ખેડૂતોને તેમના ખેતરમાં સોલાર પંપ લગાવવા માટે 60% સુધીની સબસિડી આપવામાં આવે છે. જેમાં 30% કેન્દ્ર અને 30% રાજ્ય સરકાર દ્વારા આપવામાં આવે છે. જ્યારે 30 ટકા લોન બેંક લઈ શકે છે, બાકીની 10 ટકા રકમ ખેડૂતોને આપવાની રહેશે.

આ યોજના કોરોનાથી પ્રભાવિત થઈ હતી
કોવિડ-19 રોગચાળાએ પીએમ-કુસુમ યોજનાના અમલીકરણમાં ગંભીર દખલ કરી છે.  ઉર્જા પ્રધાન આરકે સિંહે લોકસભામાં જણાવ્યું હતું કે કોવિડ-19 રોગચાળાને કારણે PM-KUSUM ના કામની ગતિને ખૂબ અસર થઈ હતી. નવી અને નવીનીકરણીય ઉર્જા મંત્રાલય (MNRE) એ યોજનાનું તૃતીય પક્ષ મૂલ્યાંકન પણ હાથ ધર્યું છે અને ભલામણોના આધારે, યોજનાને 31 માર્ચ 2026 સુધી લંબાવવામાં આવી છે.

MNRE આ યોજના પર નજર રાખે છે
રાજ્ય અમલીકરણ એજન્સીઓએ યોજના હેઠળના પ્રોજેક્ટના અમલ માટે સમય લંબાવ્યો છે. PM-KUSUM યોજનાનું MNRE દ્વારા દર બીજા અઠવાડિયે/પાક્ષિક ધોરણે રાજ્યો સાથે નિયમિત બેઠકો યોજીને દેખરેખ રાખવામાં આવે છે. ઉર્જા મંત્રી આર.કે. સિંહે પણ કહ્યું કે રાજ્ય અમલીકરણ એજન્સીઓ માસિક પ્રગતિ અહેવાલો સબમિટ કરે છે.

આ પણ વાંચો 
ગુજરાત સરકાર ટેકાના ભાવે આ પાકોની કરશે ખરીદી, રજિસ્ટ્રેશનની આ છે છેલ્લી તારીખ
સ્માર્ટ સ્કૂલનું શ્રેય લેતી ગુજરાત સરકાર શરમમાં મૂકાય તેવી ઘટના