LPG Price: સવાર સવારમાં મોંઘવારીનો મોટો ફટકો, LPG સિલેન્ડરના ભાવમાં 4 મહિના બાદ થયો વધારો, જાણો રેટ

LPG Gas Cylinder Price Today: દર મહિનાની પહેલી તારીખે ઓઈલ કંપનીઓ તરફથી ગેસ સિલિન્ડરના ભાવમાં ફેરફાર કરવામાં આવે છે. 1 જૂનના રોજ પણ કોમર્શિયલ ગેસ સિલિન્ડરના ભાવમાં 83 રૂપિયાનો ઘટાડો થયો હતો. ત્યારબાદ નાગરિકોને રાહત થઈ હતી. પરંતુ આ વખતે ઓઈલ કંપનીઓએ 4 જુલાઈના રોજ ગેસ સિલિન્ડરના ભાવ વધારી દીધા છે. આ વખતે ઓઈલ માર્કેટિંગ કંપનીઓએ કોમર્શિયલ એલપીજી ગેસ સિલિન્ડરનો રેટ 7 રૂપિયા પ્રતિ સિલિન્ડર વધાર્યો છે. એએનઆઈના રિપોર્ટ મુજબ 19 કિલોવાળો કોમર્શિયલ એલપીજી સિલિન્ડર 1,773 રૂપિયાની જગ્યાએ 1,780 રૂપિયામાં મળશે. 

દિલ્હીમાં ઘરેલુ સિલિન્ડરનો ભાવ
ન્યૂઝ એજન્સી એએનઆઈના રિપોર્ટ મુજબ 19 કિલોવાળા કોમર્શિયલ એલપીજી સિલિન્ડરનો ભાવ દિલ્હીમાં 1,773 રૂપિયાની જગ્યાએ 1,780 રૂપિયામાં મળશે. એટલેકે હવે આ માટે પહેલા કરતા 7 રૂપિયા વધુ આપવાના રહેશે. હાલ રિપોર્ટ લખાય છે ત્યાં સુધી હજુ નવા ભાવ ઈન્ડિયન ઓઈલની વેબસાઈટ પર જાહેર થયા નથી. એજન્સી તરફથી જણાવવામાં આવ્યું છે કે ઘરેલુ એલપીજી સિલિન્ડરના ભાવમાં કોઈ પણ પ્રકારનો ફેરફાર થયો નથી.

Oil marketing companies have increased the prices of commercial LPG gas cylinders by Rs 7/cylinder. Delhi retail sales price of 19kg commercial LPG cylinder increased from Rs 1,773 to Rs 1,780 per cylinder. No change in the prices of domestic LPG cylinders.

— ANI (@ANI) July 4, 2023

ઓઈલ કંપનીઓ તરફથી છેલ્લા ચાર મહિનાથી સતત કાપ મૂકાઈ રહ્યો છે. 1 માર્ચ 2023ના રોજ સિલિન્ડરના ભાવ 2119.50 રૂપિયા પર હતો ત્યારબાદ એપ્રિલમાં ઘટીને 2028 રૂપિયા થયો. મેમાં તે 1856.50 રૂપિયા અને 1 જૂનના રોજ 1773 રૂપિયા થઈ ગયો. હવે સિલિન્ડરના ભાવમાં ચાર મહિના બાદ 7 રૂપિયાની મામૂલી તેજી આવી છે.