Drugs Party: બોલીવુડના સુપરસ્ટાર શાહરૂખ ખાનના પુત્ર આર્યન ખાન સહિત 8ની અટકાયત, Video

મુંબઈ: બોલીવુડના સુપરસ્ટાર શાહરૂખ ખાનના પુત્ર આર્યન ખાન સહિત આઠ લોકોની કથિત રેવ પાર્ટી સંદર્ભે એનસીબીએ અટકાયત કરી છે. હાલ આ તમામ લોકોની એનસીબી પૂછપરછ કરી રહી છે. 

NCB ચીફનો મોટો દાવો
આ મામલે એનસીબીના ચીફ એસ એન પ્રધાને કહ્યું કે 'બે અઠવાડિયા સુધી ચાલેલી તપાસનું આ પરિણામ છે. આ માટે અમે ગુપ્ત બાતમીઓ પર કાર્યવાહી કરી અને તેમાં કેટલીક બોલીવુડ લિંકની સંડોવણી સામે આવી છે. આ દરમિયાન મોટા પ્રમાણમાં ડ્રગ્સ મળી આવ્યું. આ મામલે તપાસ ચાલુ છે.'

એનસીબીએ પોતાના ખાસ ઈનપુટ પર  બે ઓક્ટોબરના રોજ આ  ઓપરેશન લોન્ચ કર્યું હતું. આ દરમિયાન તમામ સંદિગ્ધોની તલાશી લેવાઈ. મળતી માહિતી મુજબ રેડમાં પ્રતિબંધિત ડ્રગ  MDMA/ Ecstasy, કોકીન, એડી (મેફેડ્રોન) જેવી વિવિધ ડ્રગ અને ચરસ મળી આવ્યા છે. કહેવાય છે કે આ પાર્ટીમાં બોલીવુડ, ફેશન અને બિઝનેસ સંલગ્ન અનેક મોટામાથા સામેલ થયા હતા. 

#BigNews બોલીવુડ સુપરસ્ટાર @iamsrk ના પુત્ર #AryanKhan સહિત 8 લોકોની #Drugscase માં અટકાયત, જુઓ Video#BREAKING #DrugsParty #zee24kalak #BigNews #Mumbai #ncbraid #NCB @narcoticsbureau @MumbaiPolice @DefPROMumbai #byjus pic.twitter.com/aMWFwWlrYw

— Zee 24 Kalak (@Zee24Kalak) October 3, 2021

8 લોકોની અટકાયત
એનસીબીની ટીમ દ્વારા રેડ પાર્ટી પર દરોડો પાડવામાં આવ્યો અને ત્યાં હાજર તમામ લોકોની તલાશી લેવાઈ. આ મામલે અત્યાર સુધીમાં 8 લોકોની અટકાયત કરાઈ છે. જેમાં શાહરૂખ ખાનનો મોટો પુત્ર આર્યન ખાન પણ સામેલ છે. 

મધદરિયે #DrugsParty માં બોલિવૂડના બાદશાહ @iamsrk ના પુત્ર #AryanKhan સહિત 8 લોકોની #Drugscase માં અટકાયત#BREAKING #DrugsParty #zee24kalak #BigNews #Mumbai #ncbraid #NCB @narcoticsbureau @MumbaiPolice @DefPROMumbai pic.twitter.com/NadkBE3bQK

— Zee 24 Kalak (@Zee24Kalak) October 3, 2021

ગેસ્ટ એન્ટ્રીમાં ગયો હતો આર્યન ખાન?
આ મામલે આર્યન ખાનની પૂછપરછ થઈ. એનસીબીને એક વીડિયો પણ મળ્યો છે જેમાં પાર્ટીમાં આયર્ન ખાન જોવા મળી રહ્યો છે. પૂછપરછમાં આર્યને જણાવ્યું કે તેને આ પાર્ટીમાં મહેમાન તરીકે બોલાવવામાં આવ્યો હતો. તેની પાસેથી ક્રુઝ પર આવવા માટે કોઈ પણ પ્રકારની ફી લેવાઈ નહતી. આર્યને કહ્યું કે 'તેના નામનો ઉપયોગ કરીને બાકીના મહેમાનને બોલાવવામાં આવ્યા હતા.'

આ બાજુ પાર્ટીમાં જે પણ લોકો આવ્યા હતા તેમને રોલ પેપર આપવામાં આવ્યા હતા. એનસીબીને મોટાભાગના મહેમાનોના રૂમમાંથી રોલ પેપર મળ્યા છે.