મલખાન બાદ હવે એક્ટર રસિક દવેનું નિધન, ગુજરાત સાથે રહ્યો છે ખાસ નાતો, ઇંડસ્ટ્રીમાં છવાયો માતમ

Rasik Dave Death: ટીવી ઇંડસ્ટ્રીમાંથી ખરાબ સમાચાર સામે આવી રહ્યા છે. 'ભાભી જી ઘર પર હૈ' ના મલખાન ઉર્ફ દીપેશ ભાન બાદ હવે 'ક્યોંકિ સાસ ભી કભી બહૂ થી' ની અભિનેત્રી કેતકી દવેના પતિ તથા એક્ટર રસિક દવેનું નિધન થયું છે. 29 જુલાઇ 2022 ની રાત્રે 65 વર્ષની ઉંમરે રસિકે અંતિમ શ્વાસ લીધા હતા. 

'ઇટાઇમ્સ' ના રિપોર્ટ અનુસાર રસિકનું નિધન કેડની ફેલ થવાથી થયું છે. ગત બે વર્ષથી ડાયલિસિસ પર હતા. એક્ટર કિડની સંબંધી બિમારીઓ સાથે ઝઝૂમી રહ્યા હતા. તેમની કિડની સતત ખરાબ થઇ રહી હતી અને ગત એક મહિનો તેમના અને તેમના પરિવાર માટે ખૂબ જ દર્દનાક રહ્યો. આજે એટલે કે 30 જુલાઇ 2022 ના રોજ તેમના અંતિમ સંસ્કાર થશે. 

કેતકીએ ટીવી એક્ટર રસિક સાથે લગ્ન કર્યા હતા, તેમને એક પુત્રી રિદ્ધિ દવે છે. રસિકે ઘણી ગુજરાતી ફિલ્મોમાં કામ કર્યું છે. તેમણે રસિકે પોતાના કેરિયરની શરૂઆત '82' માં એક ગુજ્જુ ફિલ્મ 'પુત્ર વધૂ'થી કરી અને ગુજરાતી તથા હિંદી બંને માધ્યમોમાં કામ કર્યું છે. ત્યારબાદ ફિલ્મ 'માસૂમ' દ્રારા બોલીવુડમાં એન્ટ્રી કરી. કેતકી અને રસિકે 2006 માં 'નચ બલિએ' માં પણ ભાગ લીધો હતો. વર્ષો બાદ ઇંડસ્ટ્રીથી દૂર રહ્યા બાદ ટીવી સીરિયલ 'સંસ્કાર:ધરોહર અપનો કી' દ્રારા ઇંડસ્ટ્રીમાં કમબેક કર્યું હતું. તે 'એસી દીવાનગી દેખી નહી કહી' સીરિયલમાં પણ જોવા મળી છે. રસિક અને કેતકી દવે એક ગુજરાતી થિયેટર કંપની પણ ચલાવે છે. 

તો બીજી તરફ કેતકી દવેની વાત કરીએ તો તે ઘણી હિંદી ટીવી સીરિયલ્સમાં જોવા મળી ચૂકી છે. આ ઉપરાંત તે ગુજરાતી ફિલ્મ ઇંડસ્ટ્રીનો ભાગ રહી ચૂકી છે. તેમની માતા સરિતા જોશી એક અભિનેત્રી છે અને તેમના દિવંગત પિતા પ્રવીણ જોશી એક પણ થિયેટર નિર્દેશક હતા. તેમની એક નાની બહેન પૂરબી જોશી. જે એક અભિનેત્રી અને એક એન્કર પણ છે.