ગુજરાતમાં સરકારી કર્મચારીઓ આકરા પાણીએ! સરકાર સામે બાયો ચઢાવી, પેન ડાઉન આંદોલનની જાહેરાત

ઝી બ્યુરો/અમદાવાદ: લોકસભાની ચૂંટણી નજીક આવી રહી છે ત્યારે ફરી એકવાર સરકારી કર્મચારી (Government employees)ઓએ પોતાની પડતર માંગણીઓને લઈને ગાંધીનગરમાં આંદોલન શરુ કર્યું છે. રાજ્યમાં ફરી એકવાર સરકાર સામે કપરાં ચઢાણ દેખાઈ રહ્યા છે, કારણ કે 6 માર્ચે પેન ડાઉનના આંદોલનની જાહેરાત થઈ છે. 

ગુજરાત રાજ્ય કર્મચારી મહામંડલ દ્વારા પેન ડાઉન આંદોલનની જાહેરાત કરાઈ છે. 6 માર્ચે પેન ડાઉનના આંદોલન દ્વારા કર્મચારીઓ કામગીરીથી અલગા રહેશે. જૂની પેંશન યોજના લાગુ કરવા અને ફિકસ પગાર યોજના રદ કરવાની માંગ કરાઈ છે. રાજ્ય સરકારના કર્મચારીઓ ગત 23 એપ્રિલે સત્યાગ્રહ છાવણી ખાતે ઘરણા પ્રદર્શનમાં જોડાયા હતા.

રાજ્ય સરકારના કર્મચારીઓ દ્વારા જુની પેન્શન યોજના ફરી લાગુ કરવા અને ફિક્સ પગારની નિતી નાબુદ કરવાની માગણીઓ સાથે કર્મચારીઓએ નિવાસી કલેક્ટરને આવેદનપત્ર આપ્યું હતું. આવેદન આપતા કર્મચારીઓએ જણાવ્યું હતું કે, આગામી 23 ફેબ્રુઆરીના સરકાર સમક્ષ ગાંધીનગર ખાતે વિરોધ પ્રદર્શનનું આયોજન કરાયું છે.