આનંદો! ગુજરાતમાં ધોરણ 9-11ની પરીક્ષા પદ્ધતિમાં ફેરફાર, જાણો વિદ્યાર્થીઓને કેટલો થશે લાભ?

ઝી બ્યુરો/ગાંધીનગર: ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા ધોરણ 9 અને 11ની પરીક્ષા પદ્ધતિમાં ફેરફાર કર્યો છે. નવી શિક્ષા નીતિ અંતર્ગત ધોરણ 9 અને 11ની પરીક્ષા પદ્ધતિમાં મહત્વના ફેરફાર કર્યા છે. ધોરણ 9 અને ધોરણ 11 માં હાલ વર્ણાત્મકપ્રશ્નમાં આંતરિક વિકલ્પ આપવાની જગ્યાએ પ્રશ્નના જનરલ વિકલ્પ અપાશે.

હેતુલક્ષી પ્રશ્નનો ગુણભાર પણ ૨૦ ટકાની જગ્યાએ 30 ટકા કરવામાં આવ્યો છે. વર્ણાત્મક પ્રશ્નોનો ગુણભાર 80%ની જગ્યાએ 70% કરવામાં આવ્યો છે. હેતુલક્ષી પ્રશ્નો નો ગુણભારમાં વધારો થતા વિદ્યાર્થીઓને સરળતા રહેશે. આ ઉપરાંત વણાત્મક પ્રશ્નોમાં જનરલ વિકલ્પ આપવામાં આવતા વિદ્યાર્થીઓને ફાયદો થશે. ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા કરાયેલા ફેરફારોનો પરિપત્ર તમામ જિલ્લા શિક્ષણ અધિકારીઓને મોકલાવ્યો છે.