ડ્રેનેજની સફાઈ માટે હવે મેન હોલમાં નહીં ઉતરવું પડશે માણસોએ, રોબોટ કરશે ચેમ્બરની સફાઈ

નિલેશ જોશી, સેલવાસ: નાનકડા સંઘ પ્રદેશ દાદરા નગર હવેલીમાં મેન હોલની સફાઈ માણસોથી નહીં પરંતુ અત્યાધુનિક રોબોટ દ્વારા કરવામાં આવી રહી છે. આ રોબોર્ટ કોઈ સામાન્ય મશીન નથી પરંતુ મેન હોલ ચેમ્બરની સાફ સફાઈ માટે વપરાતો બેન્ડીકુટ રોબોટીક મશીન છે. સેલવાસ નગર પાલિકાએ 3 વર્ષના ઓપરેશન અને મેન્ટેનન્સના ખર્ચ સાથે 86 લાખના ખર્ચે જેન રોબોટિક નામની કંપની પાસેથી આ બેન્ડીકુટ રોબોટીક મશીન વસાવ્યું છે.

ઉલ્લેખનીય છે કે, બે વર્ષ અગાઉ સેલવાસમાં ઊંડી ગટરના ચેમ્બર સફાઈ કરવા માટે મજૂરો ઉતર્યા હતાં તેઓને ગેસની અસર થતા મજૂરોનું દુઃખદ મોત થયું હતું.. આ દુઃખદ ઘટનાથી શીખ મેળવી અને પ્રસાશન દ્વારા પાલિકા વિસ્તારમાં ચેમ્બર સાફ સફાઈ માટે ખાસ રોબોટની ખરીદી કરવામાં આવી હતી.. દેશના દરેક કેન્દ્રશાસિત પ્રદેશમાં સૌથી પહેલા સેલવાસ પાલિકામાં ઉપલબ્ધ થયેલ આ બેન્ડીકુટ રોબોટીક મશીન છે જેનો ઉપયોગ ચેમ્બર સફાઈ માટે કરવામાં આવી રહ્યો છે.

સાથે જ આ રોબોટિક મશીનના ઉપયોગ માટે પાલિકાના સફાઈ કર્મચારીઓને સ્ટાફને પણ વિષેશ ટ્રેનિંગ આપવામાં આવી રહી છે.. આ બેન્ડીકુટ રોબોટીક મશીનમાં 4 જેટલા કેમેરા પણ લાગેલા છે જેના થકી સફાઈ કર્મીઓને મેન હોલની સાફ સફાઈમાં આશાની રહે છે.. સાથે જ આ રોબોટિક મશીન મા અત્યાધુનિક સેન્સર પણ લાગેલા છે આ સેન્સર દ્વારા ચેમ્બરમાં કોઈ જોખમી ગેસ ઉત્પન્ન થયો હોય તો તેની પણ સચોટ માહિતી મેળવી શકાય છે.. આ મશીન ના ઉપયોગથી હવે પાલિકાના સફાઈ કર્મચારીઓને પણ ચેમ્બરોની સફાઈ મા કોઈ મુશ્કેલી પડતી નથી..