આખું પોલીસતંત્ર થઈ જશે ઉલટસુલટ, 5-7 દિવસમાં મોટા ફેરફાર

અમદાવાદ : ગુજરાતમાં છેલ્લા કેટલાક દિવસથી સમાચાર વાઇરલ થયા છે IPS અધિકારીઓની મોટાપાયે બદલી થવાની છે અને એના પગલે ગુજરાતના પોલીસતંત્રમાં ધરખમ ફેરફાર થશે. આમ, IPSની બદલી અંગે અસમંજસતા વચ્ચે સ્પષ્ટતા થઈ છે. 

હાલમાં પોલીસની બદલીએ સોશિયલ મીડિયામાં ધૂમ મચાવી છે અને 73 IPSની બદલી થઈ રહી હોવાના સંદેશા વહેતા થયા છે. આ મામલે ઝી 24 કલાક પાસે સચોટ સમાચાર છે. મળતી માહિતી પ્રમાણે પોલીસતંત્રમાં 5થી 7 દિવસમાં મોટા ફેરફાર થશે. હકીકતમાં ગત સપ્તાહે જ બદલીના હુકમો થવાના હતા પણ હાલમાં એને બ્રેક લાગી છે.

મળતી માહિતી પ્રમાણે ડાયરેક્ટ પ્રોબેશન કમિટી (DPC) નહીં થયું હોવાના કારણે બદલીમાં વિલંબ થયો છે. હકીકતમાં IASની બદલી બાદ IPSની બદલી થવાની હતી પણ હવે ટૂંક સમયમાં આ બદલીને આખરી ઓપ આપવામાં આવશે. નવી પરિસ્થિતિમાં 60થી પણ વધુ ઉચ્ચ પોલીસ અધિકારીની બદલી થઈ રહી છે જેના પછી અનેક અધિકારીઓને બઢતી પણ મળશે. આ બદલીનો લીથો 5થી 7 દિવસમાં નીકળશે.