પોલીસ આદિવાસીઓનો ડ્રેસ પહેરીને આરોપીને ઝડપવા પાંચ કિલોમીટર જંગલમાં ગયા અને...

નર્મદા : ગુજરાત રાજયના અલગ અલગ જીલ્લાઓમાં મોટર સાઇકલ ચોરી કરતી ટોળકીના બે સભ્યોને ચોરી કરેલ કુલ ૮ મોટર સાઇકલ કિ.રૂ. 3,40,000 ના મુદ્દામાલ સાથે ઝડપી પાડતી નર્મદા લોકલ ક્રાઇમબ્રાંચ. નર્મદા એલસીબી પોલીસ ઝડપી પાડતી નર્મદા એલસીબી પોલીસે ગુજરાત રાજયના અલગ અલગ જીલ્લાઓમાં મોટર સાઇકલ ચોરી કરતી ટોળકીના બે સભ્યોને ચોરી કરેલ કુલ 8 મોટર સાઇકલ 3,40,000 ના મુદ્દામાલ સાથે નર્મદા LCB પોલીસે 2 આરોપીને બાઈક ચોરીના ગુન્હામાં પકડી પાડ્યા છે. ગુજરાતના અલગ અલગ જિલ્લામાંથી સમયાંતરે 8 બાઈકની ચોરી થઈ હતી. 

જેમાં નર્મદા જિલ્લામાંથી 6 બાઈક ચોરી થઈ હતી. જે બાબતની નર્મદા પોલીસમાં ફરિયાદ નોંધવામાં આવી હતી. જેની તપાસ નર્મદા એલ સી બી પોલીસને સોંપવામાં આવી હતી. પોલીસ તપાસ દરમ્યાન નાંદોદ તાલુકના ગોપાલપુરા ચોકડી પાસે નાકાબંધી કરતા મધ્યપ્રદેશના કુલ 2 વ્યક્તિને રાજપીપલા વડીયા ગામ ખાતેથી ચોરી કરેલ હોન્ડા સાઇન મોટર સાઇકલ સાથે ઝડપી પાડવામાં આવ્યા હતા. જેઓની વધુ પુછપરછ કરતા છેલ્લા ઘણા સમયથી તેઓની સાથે અન્ય 3 વ્યક્તિ સાથેની ટોળકી છે. 

જેઓની સાથે ગુજરાત રાજ્યના અલગ અલગ જીલ્લાઓ જેમાં દાહોદ, વડોદરા જીલ્લા, ભરૂચ, સુરત,નર્મદા વિગેરે જીલ્લાઓમાંથી મોટર સાઇકલ ચોરી કરેલ હોવાની હકીકત જણાવેલ તેમજ સદર જીલ્લાઓમાંથી ચોરી થયેલ મોટર સાઇકલ કબજે કરવામાં આવી છે. તેઓની પાસેથી કુલ ૮ મોટર સાઇકલ કબજે કરવામાં આવેલ છે. આ ટોળકી મોટર સાઇકલ ચોરી કરી મધ્ય પ્રદેશ ખાતે જઇ આ તમામ મોટર સાઇકલો આરોપી સુરાભાઇ બાયસીંગભાઇ અનારે તથા ધર્મેન્દ્રભાઇ રતનભાઇ દેવકાને વેચવાનું કામ કરતા હતા. 

આ મોટર સાઇકલો રૂપિયા 5000 થી 10,000 સુધીની કિંમતમાં વેચતા હતા. જો કે નર્મદા એલસીબી પોલીસ મધ્યપ્રદેશના ધિલવાની ગામમાં પહોંચી તો ત્યાં ન તો જવાનો રસ્તો હતો કે ન ત્યાં બાઈક પણ પહોંચતું હતું. નર્મદા એલસીબી પહેરવેશ બદલીને 5 કિલોમીટર સુધી ચાલીને તપાસ માટે પહોંચી હતી. જંગલ વિસ્તાર હોવાથી નર્મદા પોલીસને આરોપીને પકડવામાં ખુબ મુશ્કેલી પડી હતી. જોકે પોતાના જીવના જોખમે નર્મદા એલસીબીએ બે આરોપીને હાલ તો પકડી પાડયા છે. હજુ 3 આરોપીની શોધખોળ ચાલુ છે.