ફાસ્ટ ટેગ મુદ્દે સુરતીઓનું રૌદ્ર સ્વરૂપ, સાંસદે વચ્ચે પડીને મામલો થાળે પાડ્યો

સુરત નજીકના કામરેજ અને ભાટિયા ટોલનાકા ઉપર સ્થાનિકોને ટોલટેક્સમાંથી મુક્તિ આપવાની માંગણી સાથે આંદોલન ચલાવી રહ્યા છે. આંદોલનમાં આજે સાંજે સાંસદ સી.આર.પાટીલની દરમિયાનગીરીના પગલે બંને ટોલનાકા ઉપરથી રોકડની લાઈનમાંથી પસાર થનારને ફાસ્ટેગના ચાર્જમાંથી મુક્તિ આપવાનો નિર્ણય લેવામાં આવતા આંદોલનનો અંત આવ્યો છે. 

Updated By: Dec 15, 2019, 12:19 AM IST
ફાસ્ટ ટેગ મુદ્દે સુરતીઓનું રૌદ્ર સ્વરૂપ, સાંસદે વચ્ચે પડીને મામલો થાળે પાડ્યો

ચેતન પટેલ / સુરત : સુરત નજીકના કામરેજ અને ભાટિયા ટોલનાકા ઉપર સ્થાનિકોને ટોલટેક્સમાંથી મુક્તિ આપવાની માંગણી સાથે આંદોલન ચલાવી રહ્યા છે. આંદોલનમાં આજે સાંજે સાંસદ સી.આર.પાટીલની દરમિયાનગીરીના પગલે બંને ટોલનાકા ઉપરથી રોકડની લાઈનમાંથી પસાર થનારને ફાસ્ટેગના ચાર્જમાંથી મુક્તિ આપવાનો નિર્ણય લેવામાં આવતા આંદોલનનો અંત આવ્યો છે. 

12 વર્ષની બાળા સાથે દુષ્કર્મ કે કેમ? બાળા ICUમાં દાખલ, પોલીસના અંધારામાં ફાંફાં

અગાઉ કામરેજ-ભાટીયા ટોલટેક્સ સંદર્ભે કેન્દ્રીય વાહન વ્યવહાર મંત્રી નીતિન ગડકરી સમક્ષ સ્થાનિક વાહનોને ટોલટેક્સમાંથી સંપૂર્ણ મુકિતની રજૂઆતને નકારી દેવામાં આવી હતી. જોકે આજે ફરી સાંસદ પાટીલ દ્વારા કેન્દ્રીય મંત્રી ગડકરીને કરવામાં આવેલી રજૂઆત બાદ સ્થાનિકોને મુક્તિની જાહેરાત કરવામાં આવી હતી. સાંસદ સી.આર.પાટીલે યોજેલી પત્રકાર પરિષદમાં તેઓએ જણાવ્યુંહતું કે, સ્થાનિકોએ ફક્ત એટલું જ ધ્યાન રાખવાનું છે કે ફાસ્ટેગની લાઈનમાં જવું નહિ. 

ભાવનગરમાં રમતા રમતા બાળકો કુવામાં પડી જતા મોત, મહિલા બેભાન

મહિલા સુરક્ષા મુદ્દે રાહુલે ભાંગરો વાટ્યો: વિદ્યાર્થીઓએ કાળી પટ્ટી બાંધી નોંધાવ્યો વિરોધ

જો ફાસ્ટેગની લાઈનમાં જશે તો ટોલ કપાઈ જશે, ઉપરાંત જેઓએ ફાસ્ટેગ લઈ લીધો છે તેઓએ પણ રોકડની લાઈનમાંથી જ પસાર થવું અન્યથા ટોલ વસુલ કરવામાં આવશે.ઉલ્લેખનીય છે કે છેલ્લા કેટલાય દિવસથી સ્થાનિક વાહનોને ટોલટેક્સમાંથી મુકિત આપવાની માંગણી સાથે સુરતમાં આંદોલન વ્પાપક બન્યું હતું, જેમાં સુરતના સ્થાનિક વાહનોને ટોલમાંથી સંપૂર્ણ મુકિત માટે વિવિધ સંસ્થાઓ, ગ્રામ પંચાયતોએ પણ માંગણી કરી ટોલમુકિત આંદોલનને સમર્થન આપ્યું હતું અને  15મી ડિસેમ્બરે કામરેજ અને ભાટિયા ટોલનાકા પાસે ચક્કાજામનો કાર્યક્રમ કરવાની જાહેરાત કરી હતી.

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube