વિદેશ અભ્યાસ માટે જવાનું હતું અને બની ગયો ઉત્તર પ્રદેશનો મોસ્ટ વોન્ટેડ ગુનેગાર, જાણો અસદ અહમદની કહાની

પ્રયાગરાજઃ અતીક અહમદના સૌથી નાના પુત્ર અસદ અહમદનું ઉત્તર પ્રદેશમાં એનકાઉન્ટર કરી દેવામાં આવ્યું છે. પોલીસે જાણકારી આપી છે કે અસદ પુત્ર અતીક અહમદ અને ગુલામ પુત્ર મકસૂદન, બંને પ્રયાગરાજના ઉમેશ પાલ હત્યાકાંડમાં વોન્ટેડ હતા અને બંને પર પાંચ-પાંચ લાખ રૂપિયાનું ઈનામ હતું. ઝાંસીના ડીએસવી નવેન્દુ અને ડીએસપી વિમલના નેતૃત્વમાં યૂપીએસટીએફ ટીમની સાથે અથડામણમાં બંને માર્યા ગયા છે. બંનેની પાસેથી વિદેશી હથિયાર પણ મળ્યા છે. કોણ હતો અતીક અહમદનો સૌથી નાનો પુત્ર અસદ અહમદ. શું કરતો હતો તે. જાણો તેની કુંડળી. 

કોણ હતો અસમદ અહમદ
અતીકનો સૌથી નાનો પુત્ર અસદ અહેમદ લખનૌથી ઓપરેટ કરતો હતો. અસદે આ વર્ષે લખનૌની ટોપ સ્કૂલમાંથી 12મું ધોરણ પાસ કર્યું છે. તે અભ્યાસ અને લેખનમાં ખૂબ જ હોશિંયાર હતો. આગળ કાયદાના અભ્યાસ માટે વિદેશ જવા માગતો હતો પરંતુ પરિવારના ગુનાહિત ઈતિહાસને કારણે તેનો પાસપોર્ટ ક્લિયર થયો ન હતો.

ઉમેશ પાલ કેસમાં અસદના ફાયરિંગના સીસીટીવી ફૂટેજ મળ્યા બાદ હવે તે પોલીસની રડાર પર હતો. અસદના પિતા અતીક અહેમદ ગુજરાતની સાબરમતી જેલમાં બંધ હતા. જ્યારે તેના કાકા અશરફ ઉત્તર પ્રદેશની બરેલી જેલમાં બંધ છે.

પિતા અને કાકાની ગેરહાજરીમાં અતીકના બે મોટા પુત્ર ઉમર અને અલી છેલ્લા કેટલાક વર્ષોથી ગેંગ ચલાવી રહ્યાં હતા. તે સમયે અસદ અભ્યાસ કરી રહ્યો હતો. પોલીસને શંકા હતી કે ઉમેશ પાલની હત્યાની યોજના બનાવવા માટે જેલથી અતીક અને અશરફની સલાહ લેવામાં આવી હતી. 

મોટા ભાઈઓ જેલમાં ગયા પછી અસદે ગેંગનો કબજો લીધો
વર્ષ 2018માં અતીકનો મોટો પુત્ર ઉમર ચર્ચામાં આવ્યો હતો. તે સમયે ઉમરે લખનૌમાં પ્રોપર્ટી ડીલર મોહિત જયસ્વાલનું અપહરણ કર્યું હતું. મોહિત જયસ્વાલનું અપહરણ કર્યા બાદ ઉમર તેને દેવરિયા જેલમાં લઈ ગયો, તે સમયે અતીક અહેમદ આ જેલમાં બંધ હતો. અતીકના બીજા પુત્ર અલી પર પણ હત્યાના પ્રયાસ અને ખંડણીના કેસ નોંધાયેલા છે.

તપાસ એજન્સીઓએ બંને ભાઈઓ પર ઈનામ જાહેર કર્યું હતું. ધરપકડ અને એન્કાઉન્ટરના ડરથી બંને ભાઈઓએ જુલાઈમાં આત્મસમર્પણ કર્યું હતું. યુપી પોલીસને શંકા છે કે બંને ભાઈઓના આત્મસમર્પણ પછી અસદે ગેંગની બાગડોર સંભાળી લીધી.

પોલીસને અસદ પર હતી શંકા
લખનૌમાં અસદ જે ફ્લેટમાંથી ગેંગ ચલાવતો હતો તે ફ્લેટ પર એસટીએફ લખનૌ અને પ્રયાગરાજ પોલીસની ટીમે દરોડો પાડ્યો હતો. પોલીસને માહિતી મળી હતી કે અસદે ગેંગની કમાન સંભાળી લીધી છે. આ ટોળકી ખંડણીની માંગણી સાથે વિવિધ ધંધાઓ ચલાવતી હતી. પોલીસના દરોડામાં આ જ ફ્લેટમાંથી રૂ.80 લાખનો ચેક મળી આવ્યો હતો. આ બેરર ચેક છે. પોલીસને શંકા છે કે આ ચેક ખંડણીની માંગણીના કોઈ કેસ સાથે સંબંધિત નથી. 

યુપીનો મોસ્ટ વોન્ટેડ ગુનેગાર મોંઘી ઘડિયાળો અને ફોનનો શોખીન હતો
ઉમેશ પાલ હત્યા કેસનો મુખ્ય શૂટર અસદ અહેમદ મોંઘા વાહનો અને ફોનનો શોખીન હતો. તે વિદેશી ઘડિયાળો પહેરતો હતો અને મોંઘા ફોન વાપરતો હતો. અસદ પાસે  એપલ આઈફોન હતો. કેટલાક અહેવાલોમાં એવો પણ દાવો કરવામાં આવ્યો છે કે દરોડા દરમિયાન અસદ પાસેથી એક Apple iPhone જપ્ત કરવામાં આવ્યો હતો. ટ્રેક થવાના ડરથી અસદે પોતાનો ફોન લખનૌના ફ્લેટમાં છોડી દીધો હતો. તે જ સમયે, અસદ પાસે સ્વિસ બ્રાન્ડની સેન્ટ્રિક્સ ઘડિયાળ હતી. આ ઘડિયાળની કિંમત એક લાખથી વધુ છે.

અસદ કાકા અશરફ પાસેથી ટ્રેનિંગ લેતો હતો
ઉમેશની હત્યા બાદ લાઈમલાઈટમાં આવેલો અસદ ચાચા અશરફનો પ્રિય ભત્રીજો હતો. કાકા અશરફ હતા જેમણે તેમને શૂટિંગ, કાર રેસિંગ અને ઘોડેસવારીમાં માસ્ટર બનાવ્યા હતા.