પેગાસસ જાસૂસીના આરોપોની તપાસ માટે કમિટી બનશે, SC માં કેન્દ્ર સરકારે જણાવ્યું

નવી દિલ્હી: પેગાસસ જાસૂસી મામલાની તપાસ હવે એક કમિટી દ્વારા કરવામાં આવશે. કેન્દ્ર સરકારે સુપ્રીમ કોર્ટમાં આ અંગે જાણકારી આપી છે. કમિટી બનાવવાની જાહેરાત સાથે સુપ્રીમ કોર્ટમાં કેન્દ્ર સરકારે પેગાસસથી જાસૂસીના આરોપોને નકાર્યા. સુપ્રીમ કોર્ટમાં કેન્દ્ર તરફથી બે પેજની એફિડેવિટ દાખલ કરવામાં આવી છે. સોગંદનામા મુજબ સરકાર વિશેષજ્ઞોની એક કમિટી બનાવશે જે આ પેગાસસ વિવાદની તપાસ કરશે. 

અત્રે જણાવવાનું કે આજે પેગાસસ મામલે સુપ્રીમ કોર્ટમાં સુનાવણી થઈ હતી. કોર્ટમાં કેન્દ્ર સરકારે તેના પર લાગેલા તમામ આરોપ નકાર્યા. કેન્દ્રએ આજે પેગાસસ મામલે સુપ્રીમ કોર્ટમાં એફિડેવિટ પણ દાખલ કરી. જે બે પાનાની હતી. કેન્દ્રએ કહ્યું કે તેમના તરફથી કોઈ જાસૂસી કે ગેરકાયદેસર નિગરાણી કરાવવામાં આવી નથી. 

Pegasus matter: SG Tushar Mehta for Centre tells SC that if the court approves, Committee can be constituted of independent neutral experts& not govt officers.
CJI:We understand this is affidavit you've filed.A committee may be formed&terms of reference can be laid down by court

— ANI (@ANI) August 16, 2021

સોગંદનામામાં સરકારે વરિષ્ઠ પત્રકાર એન રામ અને અન્ય અરજીકર્તાઓએ લગાવેલા આરોપોને ફગાવી દીધા. તેમની અરજીમાં આરોપ હતા કે સૈનિક પ્રયોગના આ સોફ્ટવેરનો ઉપયોગ સરકારે પત્રકારો, રાજનેતાઓ, એક્ટિવિસ્ટ, નોકરશાહો, અને ન્યાયપાલિકા સંલગ્ન લોકોની જાસૂસી માટે કર્યો. 

Centre in its two-page affidavit submitted in SC on Pegasus issue denies all allegations made against the govt by petitioners that it was spyware to snoop on journalists, politicians, staff & maintains petitions are based on conjectures & there is no substance in the accusations

— ANI (@ANI) August 16, 2021

આ અગાઉ 10 ઓગસ્ટના રોજ આ કેસ પર સુનાવણી થઈ હતી. ત્યારે સુપ્રીમ કોર્ટે સ્વતંત્ર તપાસની ભલામણ કરનારા કેટલાક અરજીકર્તાઓ દ્વારા સોશિયલ મીડિયા પર 'સમાનાંતર કાર્યવાહી અને ચર્ચા' પર આપત્તિ જતાવી હતી અને કહ્યું હતું કે અનુશાસન અને ન્યાય પ્રણાલીમાં વિશ્વાસ હોવો જોઈએ.