Coronavirus: દિલ્હીમાં ફરી 8 હજાર જેટલા નવા કેસ, 39 લોકોના મૃત્યુ

દિલ્હીમાં અત્યાર સુધી 6 લાખ 74 હજાર 415 લોકો કોરોનાને હરાવી ચુક્યા છે. એક્ટિવ કેસની વાત કરીએ તો રાજધાનીમાં 28 હજાર 773 એક્ટિવ કેસ છે. એટલે કે આટલા લોકોની હાલ સારવાર ચાલી રહી છે.   

Updated By: Apr 10, 2021, 09:37 PM IST
Coronavirus: દિલ્હીમાં ફરી 8 હજાર જેટલા નવા કેસ, 39 લોકોના મૃત્યુ

નવી દિલ્હીઃ રાજધાની દિલ્હીમાં શનિવારે કોરોના વાયરસ સંક્રમણ (Covid 19 news) ના 7 હજાર 897 નવા કેસ સામે આવ્યા છે. ત્યારબાદ સંક્રમિતોની સંખ્યા વધીને 7 લાખ 14 હજાર 423 થઈ ગઈ છે. આ સિવાય વાયરસ સંક્રમણને કારણે વધુ 39 દર્દીઓના મૃત્યુ બાદ મૃત્યુઆંક વધીને 11 હજાર 235 સુધી પહોંચી ગયો છે. 

દિલ્હીમાં અત્યાર સુધી 6 લાખ 74 હજાર 415 લોકો કોરોનાને હરાવી ચુક્યા છે. એક્ટિવ કેસની વાત કરીએ તો રાજધાનીમાં 28 હજાર 773 એક્ટિવ કેસ છે. એટલે કે આટલા લોકોની હાલ સારવાર ચાલી રહી છે. 

એપ્રિલ મહિનામાં નોંધાયેલા કેસ
1 એપ્રિલ - 2790
2 એપ્રિલ - 3594
3 એપ્રિલ - 3567
4 એપ્રિલ - 4033
5 Aprilપ્રિલ - 3548
6 એપ્રિલ - 5100
7 એપ્રિલ- 5506
8 એપ્રિલ - 7437
9 એપ્રિલ- 8521
10 એપ્રિલ - 7,897

આ પણ વાંચોઃ Corona Vaccination ની રેસમાં અમેરિકા-ચીન કરતા આગળ નિકળ્યું ભારત, 85 દિવસમાં પાર કર્યો આ આંકડો

દિલ્હીમાં સંક્રમણ દર પણ આ વર્ષે પ્રથમવાર 10 ટકાને વધીને 10.21 ટકા પર પહોંચી ગયો છે. પાછલા વર્ષે નવેમ્બરના મધ્યમાં સંક્રમણ દર 15 ટકાથી વધુ હતો. દિલ્હીમાં શુક્રવારે નવા 8521 કેસ સામે આવ્યા હતા. જ્યારે 39 લોકોના મૃત્યુ થયા હતા. આ વખતે પ્રથમવાર એક દિવસમાં સંક્રમણના આઠ હજારથી વધુ કેસ સામે આવ્યા હતા. 

દિલ્હીમાં અત્યાર સુધી એક દિવસમાં સૌથી વધુ કેસ 8 હજાર 593 11 નવેમ્બર 2020ના સામે આવ્યા હતા. જ્યારે 19 નવેમ્બરે દિલ્હીમાં એક દિવસમાં સૌથી વધુ 131 કોરોના દર્દીઓના મૃત્યુ થયા હતા. 

દેશના વધુ સમાચારો વાંચવા માટે કરો ક્લિક...

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube