Earthquake: વહેલી સવારે મિઝોરમમાં ધરા ધ્રુજી, રિક્ટર સ્કેલ પર 6.1ની તીવ્રતા, બાંગ્લાદેશમાં હતું ભૂકંપનું કેન્દ્ર

આઈઝોલ: ભારતનું પૂર્વોત્તર રાજ્ય મિઝોરમ આજે સવારે ભૂકંપના જોરદાર ઝટકાથી હચમચી ગયું. રિક્ટર સ્કેલ પર ભૂકંપની તીવ્રતા 6.1ની હતી. મિઝોરમ ઉપરાંત બાંગ્લાદેશમાં પણ ભૂકંપના ઝટકા મહેસૂસ થયા. બાંગ્લાદેશમાં ભૂકંપની તીવ્રતા રિક્ટર સ્કેલ પર 6.3ની માપવામાં આવી. ભૂકંપના આંચકાના કારણે લોકોમાં દહેશત ફેલાઈ અને ઘરમાંથી બહાર નીકળી ગયા. 

અત્રે જણાવવાનું કે ભૂકંપ બાદ પ્રશાસન અલર્ટ થઈ ગયું અને રાહત અને બચાવ કાર્યમાં લાગી ગયું. ભૂકંપ બાદ અફરાતફરી મચેલી છે. લોકોને સંયમ જાળવવાની અપીલ કરાઈ છે. જો કે હજુ સુધી કોઈ જાનમાલના નુકસાનના અહેવાલ નથી. 

યુરોપિયન-મેડિટેરેનિયન સિસ્મોલોજિકલ સેન્ટર (European-Mediterranean Seismological Centre) ના જણાવ્યાં મુજબ ભૂકંપનું કેન્દ્ર બાંગ્લાદેશના ચિટ્ટાગોંગથી 175 કિમી દૂર પૂર્વ દિશામાં હતું. 

An earthquake of magnitude 6.3 strikes 175 km E of Chittagong, Bangladesh (Myanmar-India border region) about 9 minutes ago: European-Mediterranean Seismological Centre (EMSC) pic.twitter.com/nePZp4elmD

— ANI (@ANI) November 26, 2021

કેમ આવે છે ભૂકંપ?
પૃથ્વીની અંદર 7 પ્લેટ્સ છે. જે સતત ઘૂમતી રહે છે. જ્યાં આ પ્લેટ્સ વધુ ટકરાય છે તેને ઝોન ફોલ્ટ લાઈન કહેવાય છે. વારંવાર ટકરાવવાથી પ્લેટ્સના ખૂણા વળે છે. જ્યારે વધુ દબાણ વધે તો પ્લેટ્સ તૂટવા લાગે છે અને નીચેની એનર્જી બહાર આવવાનો રસ્તો શોધે છે. પછી આ ડિસ્ટર્બન્સના કારણે ભૂકંપ આવે છે. 

રિક્ટર સ્કેલ        આંચકાની અસર
0 થી 1.9          ફક્ત સીસ્મોગ્રાફથી ખબર પડે છે. 
2 થી 2.9          હળવા કંપન
3 થી 3.9          કોઈ ટ્રક તમારી નજીકથી પસાર થાય તેવી અસર.
4થી 4.9           બારીઓ તૂટી શકે છે. દીવારો પર લટકાયેલી તસવીરો પડી શકે છે. 
5 થી 5.9          ફર્નીચર હલે છે. 
6થી 6.9           ઈમારતોના પાયા હલી શકે છે. ઉપરના માળને નુકસાન થઈ શકે છે. 
7થી 7.9           ઈમારતો પડી શકે છે, જમીનની અંદર પાઈપ ફાટે છે.
8 થી 8.9          ઈમારતો સહિત મોટા પુલ પડી શકે છે. સુનામીનું જોખમ રહે છે. 
9 કે તેથી વધુ    સંપૂર્ણ તબાહી, કોઈ મેદાનમાં ઊભું હોય તો તેને ધરતી હલતી જોવા મળશે. સમુદ્ર નજીક હોય તો સુનામી.