લગ્ન માટે યુવતીઓની લઘુત્તમ ઉંમર 18 વર્ષ કે 21 વર્ષ, સજ્જનસિંહનું વિવાદાસ્પદ નિવેદન

મધ્યપ્રદેશના પૂર્વ મંત્રી સજ્જનસિંહ વર્માના સ્ત્રીઓના લગ્ન અંગેની પ્રતિક્રિયા ચર્ચાનો વિષય બની ગઈ છે. મુખ્યમંત્રી શિવરાજસિંહે સ્ત્રીઓની ઉંમર લગ્ન માટે કમસેકમ 21 વર્ષ રાખવા પર ભાર મુક્યો તો સજ્જનસિંહે પ્રતિક્રિયા આપતા કહ્યું, યુવતીઓ 15 વર્ષની વયે પ્રજનન માટે સક્ષમ થઈ જાય છે તો સ્ત્રીઓની લગ્ન માટેની ઉંમર 18થી વધારીને 21 વર્ષ કરવાની શું જરૂર છે. 

Updated By: Jan 16, 2021, 02:02 PM IST
લગ્ન માટે યુવતીઓની લઘુત્તમ ઉંમર 18 વર્ષ કે 21 વર્ષ, સજ્જનસિંહનું વિવાદાસ્પદ નિવેદન

ભોપાલઃ એક બાજુ સરકાર સતત બેટી બચાઓ બેટી પઢાઓના સૂત્ર સાથે દેશમાં મહિલા સશક્તિકરણ પર સતત ભાર આપી રહી છે. મહિલાઓ તમામ ક્ષેત્રમાં બરાબરી કરી શકે તેમાટેના પ્રયાસો સતત કરવામાં આવી રહ્યા છે. જેમાં મુખ્યમંત્રી શિવરાજસિંહ ચૌહાણે યુવતીઓના લગ્નનો મુદ્દો ઉઠાવ્યો છે. જેવી રીતે પુરૂષની ઉંમર કમસેકમ 21 વર્ષ અનિવાર્ય છે એવી જ રીતે સ્ત્રીઓની ઉંમર પણ 21 વર્ષ કરવી જોઈએ તે મુદ્દો ઉઠાવ્યો છે. જેમાં પૂર્વ મંત્રી સજ્જનસિંહ વર્માએ આ નિવેદન પર એવી પ્રતિક્રિયા આપી જે ફરી એક વાર ચર્ચાનો વિષય બની ગયો.

પોતાના નિવેદનોને લઈ હંમેશામાં વિવાદમાં રહેતા પૂર્વ મંત્રી સજ્જનસિંહ વર્માએ ફરી એક વિવાદિત નિવેદન આપ્યું છે. મધ્યપ્રદેશના મુખ્યમંત્રી શિવરાજ સિંહ ચૌહાણએ સ્ત્રીઓના લગ્ન માટેની ઉંમર 21 વર્ષ કરવાની વાત કી જેની પર સજ્જનસિંહ વર્માએ જણાવ્યું કે યુવતીઓ 15 વર્ષની વયે પ્રજનન લાયક થઈ જાય છે, તો પછી લગ્ન માટે ઉંમર 21 વર્ષ રાખવાની શું જરુર છે. યુવતીઓના લગ્ન માટે 18 વર્ષની ઉંમર પહેલાથી જ નક્કી કરવામાં આવી છે તો હવે બદલાવની શું જરૂર છે. સજ્જનસિંહ વર્માનું આ નિવેદન સોશિયલ મીડિયામાં ખુબ વાયરલ થયું છે. 

આ છે દેશનો પ્રથમ વ્યક્તિ, જેને સૌથી પહેલા લાગી કોરોનાની વેક્સિન

સજ્જનસિંહ વર્માએ ભોપાલમાં મીડિયા સાથે ચર્ચા કરતા સમયે આ નિવેદન આપ્યું છે. તેઓએ જણાવ્યું કે ડોક્ટરો અનુસાર યુવતીઓ 15 વર્ષની ઉંમરથી ગર્ભવતી થઈ શકે છે. એટલે યુવતીઓના લગ્નની ઉંમરમાં બદલાવ લાવવાની કોઈ જરૂર નથી.

બેટીઓના લગનની ઉંમર પર ચર્ચા થાય, બળાત્કારીઓના ફાંસી થાય: શિવરાજસિંહ 
આ પહેલા મુખ્યમંત્રી શિવરાજસિંહ ચૌહાણે એક કાર્યક્રમમાં યુવતીઓના લગ્નની ઉંમરને લઈ ચર્ચાની જરૂરિયાત બતાવી હતી. તેઓએ 18 વર્ષથી વધારીને 21 વર્ષ કરવાની વાત કરી હતી. તેઓએ જણાવ્યું હતું કે યુવતીઓના લગ્નની ઉંમર 18થી વધારી 21 વર્ષ અનિવાર્ય કરી દેવી જોઈએ. હું આને ચર્ચનો વિષય બનાવવા માગું છું. પ્રદેશ અને દેશમાં આ અંગે વિચારણા થવી જોઈએ.

ખેડૂત આંદોલન પર વધુ સમાચારો વાંચવા માટે કરો ક્લિક...

કોરોના વાયરસ પર તમામ સમાચારો જાણવા માટે કરો ક્લિક...

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube