West Bengal: એરપોર્ટ પહોંચતા જ આ વ્યક્તિને ગળે મળ્યા મોદી, જાણો કોણ છે કરીમુલ હક

પ્રધાનમંત્રી નરેન્દ્ર મોદી (PM Modi) શનિવારે પશ્ચિમ બંગાળના જલપાઈગુડી પહોંચ્યા હતા. પીએમ મોદીએ બાગડોગરા એરપોર્ટ પર પદ્મ પુરસ્કાર વિજેતા કરીમુલ હક સાથે મુલાકાત કરી. બન્ને લોકો એરપોર્ટ પર ગર્મજોશીથી એકબીજાને ગળે મળ્યા. 

Updated By: Apr 10, 2021, 03:55 PM IST
  West Bengal: એરપોર્ટ પહોંચતા જ આ વ્યક્તિને ગળે મળ્યા મોદી, જાણો કોણ છે કરીમુલ હક

કોલકત્તાઃ પશ્ચિમ બંગાળ વિધાનસભા ચૂંટણી (west bengal election 2021) માં ચોથા તબક્કાનું મતદાન થઈ રહ્યું છે. આ વચ્ચે પ્રધાનમંત્રી નરેન્દ્ર મોદી (PM Modi) શનિવારે પશ્ચિમ બંગાળના જલપાઈગુડી પહોંચ્યા હતા. પીએમ મોદીએ બાગડોગરા એરપોર્ટ પર પદ્મ પુરસ્કાર વિજેતા કરીમુલ હક સાથે મુલાકાત કરી. બન્ને લોકો એરપોર્ટ પર ગર્મજોશીથી એકબીજાને ગળે મળ્યા. સમાજસેવી કરીમુલ હકને પશ્ચિમ બંગાળમાં બાઇક એમ્બ્યુલન્સ દાદાના નામથી ઓળખવામાં આવે છે. આવો બાઇક એમ્બ્યુલન્સ દાવા વિશે જાણીએ. 

4000 લોકોના બચાવ્યા છે જીવ
કરીમુલ હક પોતાની બાઇક એમ્બ્યુલન્સથી આશરે 4 હજાર લોકોના જીવ બચાવી ચુકગ્યા છે. હક બીમાર ગરીબ અને વંચિત લોકોને પોતાની બાઇક એમ્બ્યુલન્સથી લઈને ફ્રીમાં હોસ્પિટલ પહોંચાડે છે. ચાના બગીચામાં કામ કરનાર હકે અપૂરતી ગ્રામીણ સ્વાસ્થ્ય સેવાઓને કારણે લોકોને થતી મુશ્કેલીઓ દૂર કરવાનું નક્કી કર્યુ અને ફ્રી બાઇક એમ્બ્યુલન્સ સેવા શરૂ કરી હતી. 

બાગડોગરા એરપોર્ટ પર જોવા મળી ગર્મજોશી

હક પર લખાઇ ચુક્યુ છે પુસ્તક
પદ્મ શ્રી પુરસ્કારથી સન્માનિત કરીમુલ હકની હજારો લોકોને પ્રેરિત કરનારી કહાની પર પુસ્તક પણ લખાયુ છે. બાઇક એમ્બ્યુલન્સ દાદા, ધ ઇન્સ્પાયરિંગ સ્ટોરી ઓફ કરીમુલ કહઃ ધ મેન હૂ સેવ્ડ 400 લાઇવ્સ હકની સત્તાવાર બાયોગ્રાફી છે. તેને પત્રકાર બિસ્વજીત ઝાએ લખી છે. 

26 વર્ષ પહેલા થયું હતું માતાનું નિધન
હકે 26 વર્ષ પહેલા પોતાના માતાને ગુમાવી દીધા હતા કારણ કે તે એમ્બ્યુલન્સનો ખર્ચ ઉઠાવી શકતા નહતા અને તે સમયે તેમના માતાને હોસ્પિટલ લઈ જવા કોઈ વાહન મળ્યું નહીં. પરંતુ જ્યારે હકના એક સહકર્મીની તબીયત ખરાબ થઈ તો તેમણે આ ઈતિહાસનું પુનરાવર્તન થવા દીધુ નહીં. 

દેશના વધુ સમાચારો વાંચવા માટે કરો ક્લિક...

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube