બેરોજગારો માટે સારા સમાચાર, આ PSU Bank કરશે 10 હજાર પદો પર ભરતી, જાણો વિગત

PSU Bank Hiring: જાહેર ક્ષેત્રની સ્ટેટ બેંક ઓફ ઈન્ડિયા (SBI) ચાલુ નાણાકીય વર્ષ (2024-25)માં 10,000 નવા કર્મચારીઓની ભરતી કરવાનું આયોજન કરી રહી છે. બેંક આ નવી ભરતી સામાન્ય બેંકિંગ જરૂરિયાતોને પહોંચી વળવા અને તેની પોતાની ટેકનિકલ ક્ષમતા વધારવા માટે કરશે. બેંકે સીમલેસ ગ્રાહક સેવા પ્રદાન કરવા તેમજ તેની ડિજિટલ ચેનલોને મજબૂત કરવા ટેકનોલોજીમાં નોંધપાત્ર રોકાણ કર્યું છે.

8,000 થી 10,000 લોકોની થશે ભરતી
એસબીઆઈના ચેરમેન સી એસ શેટ્ટીએ કહ્યું- અમે અમારા કાર્યબળને ટેક્નોલોજીના પક્ષની સાથે-સાથે સામાન્ય બેન્કિંગ પક્ષ પર પણ મજબૂત કરી રહ્યાં છીએ. અમે તાજેતરમાં પ્રવેશ સ્તર અને થોડા ઉચ્ચસ્તર પર લગભગ 1500 ટેક્નોલોડી પ્રોફેશનલ્સની ભરતીની જાહેરાત કરી છે. 

તેમણે કહ્યું, અમારી ટેક્નોલોજી ભરતી ડેટા વૈજ્ઞાનિકો, ડેટા આર્કિટેક્ટ્સ, નેટવર્ક ઓપરેટર્સ વગેરે જેવી વિશિષ્ટ નોકરીઓ પર પણ છે. અમે તેમને ટેક્નોલોજીની બાજુએ વિવિધ નોકરીઓ માટે ભરતી કરી રહ્યા છીએ... તેથી, એકંદરે, અમારી વર્તમાન વર્ષની જરૂરિયાત લગભગ 8,000 થી 10,000 લોકોની હશે. ખાસ અને સામાન્ય બંને પાસાઓમાં લોકોને ઉમેરવામાં આવશે. માર્ચ 2024 સુધીમાં, બેંકના કર્મચારીઓની કુલ સંખ્યા 2,32,296 હતી. જેમાંથી ગત નાણાકીય વર્ષના અંતે 1,10,116 અધિકારીઓ બેંકમાં કામ કરતા હતા.

જ્યારે ક્ષમતા નિર્માણ વિશે પૂછવામાં આવ્યું ત્યારે શેટ્ટીએ કહ્યું કે તે સતત પ્રક્રિયા છે અને બેંક ગ્રાહકોની વિકસતી જરૂરિયાતોને પહોંચી વળવા વર્તમાન કર્મચારીઓને ફરીથી તાલીમ આપે છે અને અપગ્રેડ કરે છે. તેમણે કહ્યું, ગ્રાહકોની અપેક્ષાઓ બદલાઈ રહી છે, ટેક્નોલોજી બદલાઈ રહી છે, ડિજિટલાઈઝેશનને વ્યાપકપણે અપનાવવામાં આવી રહ્યું છે. તેથી, અમે અમારા કર્મચારીઓને દરેક સ્તરે સતત નવી કુશળતા પ્રદાન કરીએ છીએ.

દેશભરમાં 22,542 શાખાઓનું નેટવર્ક
તેમણે કહ્યું કે બેંક ગ્રાહકોની વધતી જતી જરૂરિયાતોને પહોંચી વળવા અને બહેતર બેંકિંગ અનુભવ પ્રદાન કરવા માટે અમુક ચોક્કસ ક્ષેત્રોમાં વિશેષ કૌશલ્ય વિકાસ પ્રદાન કરે છે. જ્યાં સુધી નેટવર્કના વિસ્તરણનો સવાલ છે, શેટ્ટીએ કહ્યું કે SBI ચાલુ નાણાકીય વર્ષમાં દેશભરમાં 600 શાખાઓ ખોલવાની યોજના બનાવી રહી છે. માર્ચ 2024 સુધીમાં, SBI દેશભરમાં 22,542 શાખાઓનું નેટવર્ક ધરાવે છે.