જો ઘરમાં બિલાડી પાળવા માંગો છો, તો આ વાતનું રાખજો ખાસ ધ્યાન

નવી દિલ્લી: હાલના સમયમાં ઘરમાં બિલાડી પાળવાનું ચલણ વધતું જઈ રહ્યું છે. પરંતુ બિલાડી પાળતાં પહેલાં તમારે કેટલીક વાતો જાણવી જરૂરી છે. અનેક પૌરાણિક કથાઓમાં તેને અશુભ માનવામાં આવ્યું છે. તેમાં એવું પણ કહેવામાં આવ્યું છે કે તે આપણી આજુબાજુ રહેવાથી આપણા જીવન પર તેની શું અસર થાય છે.

અનેક જગ્યાએ બિલાડીને કાળી શક્તિનું પ્રતીક માનવામાં આવે છે. અને તેની પૂજા પણ કરવામાં આવે છે. તંત્ર મંત્રની સાધના કરનારા લોકો બિલાડીની પૂજા કરે છે. અનેક પૌરાણિક કથાઓમાં બિલાડીનો સંબંધ આપણા પિતૃઓ સાથે જોડવામાં આવ્યો છે.

શું અશુભ હોય છે બિલાડી:
અનેક વખત જોવામાં આવ્યું છે કે લોકો બિલાડીના ઘરમાં ઘૂસી જતાં તેને ભગાડવાનો પ્રયાસ કરે છે. અનેક લોકો બિલાડી રસ્તો પસાર કરે તો તેને અશુભ માને છે. જ્યોતિષ અને વાસ્તુ શાસ્ત્ર પ્રમાણે બિલાડીનું વારંવાર ઘરમાં આવવું શુભ માનવામાં આવતું નથી. નારદ પુરાણ પ્રમાણે ઘરમાં જ્યાં-જ્યાં બિલાડીના પગની પદછાપ પડે છે, ત્યાં સકારાત્મક ઉર્જાની હાનિ થાય છે. આથી બિલાડી વારંવાર ઘરમાં આવે તો ઘરમાં અશુભ પ્રભાવ વધવા લાગે છે. અનેક વખત એ પણ જોવામાં આવ્યું છે કે જે ઘરમાં બિલાડીની સતત અવર-જવર રહે છે, તે ઘરમાં લોકોના સ્વાસ્થ્ય પર પણ અસર રહે છે.

શું ઘરમાં બિલાડી આવવાથી થાય છે નુકસાન:
જ્યોતિષશાસ્ત્રમાં એવું કહેવામાં આવ્યું છે કે બિલાડીના વારંવાર ઘરમાં આવવાથી ઘરના માલિક પર માનસિક તણાવ વધી જાય છે અને ઘરના સભ્યોના જીવનમાં પણ અનેક પ્રકારની સમસ્યા આવે છે. બિલાડીઓ વિશે એવું કહેવામાં આવે છેકે જો તમે જમતાં સમયે બિલાડીને જોઈ લો તો તમારા જીવનમાં કષ્ટ વધી શકે છે. એજ પ્રમાણે બિલાડી તમારા ઘરમાં મળ-મૂત્રનો ત્યાર કરે છે તો તમારે આર્થિક નુકસાન પણ ઉઠાવવું પડી શકે છે.

બિલાડીઓ વિશે એ પણ કહેવામાં આવે છે કે તેને આવનારી કોઈપણ મુશ્કેલી કે સંકટ વિશે પહેલાંથી જાણ થઈ જાય છે જો તમારા ઘરની પાળતુ બિલાડી એકદમ ક્યાંક જતી રહે તો એમ સમજી લેજો કે તમારા ઘરમાં આવનારા કેટલાંક દિવસોમાં અશુભ ઘટના બની શકે છે.