PM મોદીએ કારગિલના યાદગાર અનુભવોને શેર કરીને કહ્યું- જ્યારે તેઓ 1999માં ત્યાં ગયાં...

દેશના વીર સપૂતોને યાદ કરતા વડાપ્રધાન નરેન્દ્ર મોદીએ તે તસવીરોને પણ શેર કરી છે કે જ્યારે તેઓ કારગિલ પર જવાનોને મળવા માટે ગયા હતાં. 

દેશના વીર જવાનોને યાદ કરતા વડાપ્રધાન મોદીએ લખ્યું કે કારગિલ વિજય દિવસ પર મા ભારતીના તમામ વીર સપૂતોનું હું હ્રદયથી વંદન કરું છું. આ દિવસ આપણને આપણા સૈનિકોના સાહસ, શૌર્ય અને સમર્પણની યાદ અપાવે છે. આ અવસરે એ તમામ પરાક્રમી યોદ્ધાઓને મારી વિનમ્ર શ્રદ્ધાંજલિ, જેમણે માતૃભૂમિની રક્ષા કાજે પોતાનું સર્વસ્વ ન્યોછાવર કરી દીધુ. જય હિંદ!

તેમણે લખ્યું કે કારગિલ વોરના અવસરે તેમને કારગિલ જવાની તક મળી જેથી કરીને તેઓ જવાનોનો જુસ્સો વધારી શકે. આ તે સમય હતો કે જ્યારે પીએમ મોદી પોતાની પાર્ટી માટે જમ્મુ અને કાશ્મીર તથા હિમાચલ પ્રદેશમાં કામ કરી રહ્યાં હતાં. આ ઘટનાનો ઉલ્લેખ કરીને તેમણે કેટલીક તસવીરો શેર કરી છે. 

કારગિલ યુદ્ધથી પાઠ ભણતા ભારતે સરહદ પર પોતાની તે કમીઓને દૂર કરી છે જેનો ફાયદો ઉઠાવીને પાકિસ્તાની સેના અને આતંકીઓએ ભારતની પીઠમાં છૂરો ભોંક્યો હતો. ભારતીય વાયુસેનાના પ્રમુખ બી એસ ધનોઆએ કહ્યું કે કારગિલ યુદ્ધમાં સાચા અર્થમાં હવાઈ હુમલાથી જ દુશ્મનોનું મનોબળ ધ્વસ થયું હતું. તેમણે કહ્યું કે કારગિલ બાદ છેલ્લા 20 વર્ષમાં જે પણ ઉણપ હતી તેને દૂર કરી દેવાઈ છે.