અમદાવાદ બરોડા એક્સપ્રેસ હાઈવે પર અકસ્માત, એક પાછળ એક 20થી 25 ગાડીઓ અથડાઈ, જુઓ Pics...

રાજ્યમાં વહેલી સવારથી ધુમ્મસ ભર્યું વાતાવરણ સર્જાયું હતું. જેના કારણે અમદાવાદ વડોદરા એક્સપ્રેસ હાઈવે પર અંદાજિત 20થી 25 ગાડીઓનો અકસ્માત સર્જાયો હતો. અમદાવાદ વડોદરા એક્સપ્રેસ હાઈવે પર ધુમ્મસભર્યા વાતાવરણને કારણે હાઈવે પર 100 ફૂટ દુરની વિઝિબિલિટી ઘટી જવાથી વાહન ચાલકોને ભારે મુશ્કેલીનો સામનો કરવો પડી રહ્યો હતો. 

તેથી હાઈવે પર સ્પીડને કારણે વાહનો એકબીજા સાથે અથડાયા હતા. જો કે, અકસ્માતમાં કોઈ જાન હાની થઈ નથી. માત્ર ગાડીઓને જ નુકસાન થયું છે. જે હાઈવે પર લોકો 100ની સ્પીડ પર ગાડી ચલાવે છે. ત્યારે અત્યારે લોકોને 25થી 30ની સ્પીડ પર ગાડી ચલાવવાની ફરજ પડી રહી છે. હાઈવે પર ઘુમ્મસ હોવાના કારણે 100 ફૂટ દૂરનું દ્રશ્ય પણ હાલ સ્વચ્છ રીતે દેખાતું નથી.