શું તમે AMUL ઘીના આ ડબ્બા તો નથી ખાતાને? અંબાજી મોહનથાળમાં વપરાતું હતું આ ઘી

યાત્રાધામ અંબાજીના મોહનથાળ પ્રસાદમાં ઘીના સેમ્પલ ફેઈલ આવવાનો મામલે અંબાજી પોલીસ એક્શનમાં આવી ગઈ છે અને મોહનથાળમાં વપરાયેલા ઘીનો જથ્થો અમદાવાદના દિલ્લી દરવાજા નજીકના નીલકંઠ ટ્રેડર્સમાંથી લેવાયો હોવાનો ખુલાસો થયો છે. અંબાજી પોલીસે હાલ ઘીના 3 ડબ્બા જપ્ત કર્યા છે. દુકાનદારને અંબાજી લઇ જવાયા છે. 

અમદાવાદ મ્યુનિસિપલ ફૂડ વિભાગે પણ આ ઘટના બાદ એક્શનમાં આવી જઈને નીલકંઠ ટ્રેડર્સ ખાતે દરોડા પાડ્યા છે. ગાંધીનગર ફૂડ કમિશનર કચેરીની ટીમ પણ નીલકંઠ ટ્રેડર્સ પહોંચી છે અને ઘીના વધુ સેમ્પલ લેવાની કામગીરી હાથ ધરાઈ છે. માધુપુરાના ફુલપુરા વિસ્તારમાં નીલકંઠ ટ્રેડર્સ નું ગોડાઉન મળી આવ્યું છે. ગોડાઉનમાં અમુલ ઘીના નામે સેંકડો ડબ્બા મળી આવ્યા છે.

માતાજીનો પ્રસાદ બનાવવા માટે વપરાતું ઘી કેવી રીતે ભેળસેળવાળું બની જતું હતું તે એક મોટો સવાલ છે અને તેની તપાસ ચાલી રહી છે. મોહનથાળમાં વપરાયેલો ઘીનો જથ્થો અમદાવાદના દિલ્લી દરવાજા નજીક આવેલી નીલકંઠ ટ્રેડર્સ નામની દુકાનમાંથી ખરીદવામાં આવ્યો હતો. અંબાજી પોલીસ અમદાવાદ પહોંચી છે અને 3 ડબા ઘી જપ્ત કર્યું છે. આ સિવાય અમદાવાદ મ્યુનિસિપલ ફૂડ વિભાગની ટીમે પણ નીલકંઠ ટ્રેડર્સ ખાતે દરોડા પાડ્યા છે અને ઘીનાં વધુ સેમ્પલ લેવાની કામગીરી કરવામાં આવી છે.