Salman Khan: સલમાન ખાન કેમ હંમેશા પોતાના હાથમાં પહેરી રાખે છે બ્લુ સ્ટોનવાળું બ્રેસલેટ?

સુપરસ્ટાર સલમાન ખાન પોતાના માટે વાદળી રંગના બ્રેસલેટને ખૂબ જ લકી માને છે. સલમાન ખાન તેને ક્યારેય પોતાનાથી અલગ કરતો નથી. એન્ટરટેઈનમેન્ટ ન્યૂઝ અનુસાર, સલમાન ખાને એક ઈન્ટરવ્યુમાં જણાવ્યું હતું કે આ પીરોજ બ્રેસલેટ કોણે આપ્યું હતું.

જો રિપોર્ટ્સનું માનીએ તો સલમાન ખાને બ્રેસલેટની સ્ટોરી જણાવતા કહ્યું હતું કે તેના પિતા આ બ્રેસલેટ પહેરતા હતા. સલમાન ખાને જણાવ્યું હતું કે બાળપણથી જ તે તેના પિતાને બ્લુ સ્ટોનનું બ્રેસલેટ પહેરીને જોતો હતો અને તેને પણ તે ખૂબ જ પસંદ હતું.

સલમાન ખાનએ ઇન્ટરવ્યુમાં કહ્યું હતું કે જ્યારે તેણે ફિલ્મોમાં કામ કરવાનું શરૂ કર્યું ત્યારે તેના પિતાએ આ બ્રેસલેટ ભેટમાં આપ્યું હતું. તેથી જ ફિરોઝાનું આ બ્રેસલેટ તેના માટે ખૂબ જ ખાસ છે.

સલમાન ખાને એમ પણ કહ્યું કે આ ફિરોઝા પથ્થર છે. જે વિશ્વના બે જીવંત પથ્થરોમાંથી એક છે અને તે ખૂબ જ દુર્લભ છે.

સ્ટોન વિશે વાત કરતાં સલમાને કહ્યું હતું કે, તે તમારી તરફ આવતી દરેક નકારાત્મકતાને પોતાના પર લઈ લે છે અને પછી તૂટી જાય છે. સલમાને કહ્યું હતું કે આ તેનો સાતમો પથ્થર છે.