Pics: દુર્ગા માં ની મૂર્તિને પહેરાવ્યું ચાંદીનું માસ્ક, હાથમાં ફૂલના બદલે જોવા મળ્યું સેનિટાઇઝર

સોમવારે (17 ઓગસ્ટ 2020)ના રોજ ખૂંટી પૂજા દરમિયાન પંડાલએ લાકડાથી બનેલી દુર્ગા માં ની એક પ્રતિમાનું અનાવરણ કર્યું. રસપ્રદ વાત એ છે કે માતાને ચાંદીનું માસ્ક પહેરાવવામાં આવ્યું હતું. 

આ માસ્ક 4 ગ્રામ ચાંદીમાંથી બનાવવામાં આવ્યું છે. આ ઉપરાંત માતાના 10 હાથમાં હથિયારો અને ફૂલોના બદલે સેનિટાઇઝર હતું. 

તમને જણાવી દઇએ કે ખૂંટી પૂજા એક લાકડાની ફ્રેમ પર કરવામાં આવે છે. આ પૂજા બાદથી જ પશ્વિમ બંગાળમાં માતાની મૂર્તિ બનાવવાની શરૂઆત થાય છે. 

કોરોના વાયરસ મહામારીના કારણે આ વખતે ખૂંટી પૂજામાં મોડું થયું છે. આ વર્ષે દુર્ગા પૂજા 22 ઓક્ટોબરથી 26 ઓક્ટોબર સુધી ઉજવવામાં આવશે.