ગુજરાતની આ દરગાહ પર લોખંડ ચઢાવવાથી પૂરી થાય છે બધી ઈચ્છાઓ, ડબ્બાપીરના પરચા છે પ્રખ્યાત

ગુજરાતમાં એક એકથી અનોખા મંદિર આવેલા છે. રાજકોટના શાપર ગામમાં એક અનોખી દરગાહ આવેલી છે. જ્યાં ચાદર કે ફુલની સાથે લોખંડના ડબ્બા પણ ચઢાવવામાં આવે છે. 

આ દરગાહ હાજીપીર બાબાની દરગાહ છે, જેમને લોખંડ પ્રત્યે ખૂબ જ લગાવ હતો. લોખંડ પ્રત્યે અપાર લગાવ હોવાથી લોકો તેમને લોકો ડબ્બાપીર બોલાવતા હતા અને ડબ્બાપીરથી જ ઓળખતા હતા.

હાજીપીર દરગાહ 120 વર્ષોથી વધુ પુરાની હોવાનું કહેવાય છે. હાજીપીરમાં શ્રદ્ધા રાખીને લોકો અહી પોતાની માનતા માને છે. કહેવાય છે કે, અહી હાજીપીરની દરગાહ પર કોઈ પણ માનતા રાખવાથી તે પૂરી થાય છે અને તે પૂરી થવા પર લોકો અહી લોખંડના ડબ્બા ચઢાવે છે.   

કહેવાય છે કે, આ હાજીબાપાને પહેલા લોખંડનો ખૂબ જ શોખ હતો. જેથી તેમને જ્યાંથી પણ લોખંડ મળે તેઓ તે લોખંડને શરીર પર ધારણ કરી લેતા હતા. કહેવાય છે કે, આ હાજીબાપાને પહેલા લોખંડનો ખૂબ જ શોખ હતો. જેથી તેમને જ્યાંથી પણ લોખંડ મળે તેઓ તે લોખંડને શરીર પર ધારણ કરી લેતા હતા. બસ, આ જ શ્રદ્ધા રાખીને કોઈ પણ વ્યક્તિ નાતજાતના ભેદભાવ ભૂલીને અહી આવે છે. 

એવા લોકવાયકા છે કે, કોઈ પણ વ્યક્તિ સમસ્યામાં હોય કે શારીરિક તકલીફમાં હોય તો તેઓ ડબ્બાપીરની માનતા રાખે છે. માનતા રાખવાથી તરત જ ફળ મળે છે. તેથી અહી દૂરદૂરથી ભક્તો બાધા રાખીને પૂરી કરવા અહી આવે છે. માનતા પૂરી થવા પર ડબ્બાપીરને લોખંડના ડબ્બા ચડાવી જાય છે.

આ દરગાહમાં લોકોએ અત્યાર સુધીમાં અસંખ્ય ડબ્બા ચડાવ્યા છે જેથી અહીંયા ડબ્બાનો પણ ખુબ મોટો ખજાનો ભેગો થઈ ગયો છે. ડબ્બાપીરના પરચા પણ લોકોને એટલા જોવા મળે છે કે, લોકો ડબ્બા ચડાવવા માટે આ જગ્યા પર આવે છે. અહીંયા ડબ્બા માટે સ્પેશિયલ ઓરડા બનાવવામાં આવ્યા છે ત્યાં આ બધા ડબ્બા મૂકવામાં આવે છે.