સુશીલે હિમાચલના બસ દુર્ઘટનામાં મૃત્યુ પામેલા બાળકોને સમર્પિત કર્યો પોતાનો ગોલ્ડ

ગોલ્ડ કોસ્ટઃ ગોલ્ડ મેડલ જીત્યા બાદ બોક્સર સુશીલ કુમારે પોતાની આ જીત હિમાચલ પ્રદેશમાં બસ દુર્ઘટનામાં મૃત્યુ પામેલા બાળકોને સમર્પિત કરી છે. આ દુખદાયક દુર્ઘટનામાં 23 બાળકોના મોત થયા હતા. સુશીલે પોતાના ટ્વીટમાં લખ્યું છે આ મેડલ તે બાળકોને સમર્પિત છે, જેનું દુર્ઘટનામાં અવસાન થયું છે. ( વાંચો : કોમનવેલ્થ ગેમ્સમાં સુશીલની ગોલ્ડન હેટ્રીક )

આ મહત્વની જીતને સુશીલે પોતાના માતા-પિતા, ગુરૂ સતપાલ અને યોગ ગુરૂ બાબા રામદેવને પણ સમર્પિત કરી છે. કોમનવેલ્થ ગેમ્સમાં સુશીલનો આ સતત ત્રીજો મેડલ છે. 

Proud moment. With love & blessings of fellow Indians I have Won Gold for 3rd time in #CommonwealthGames2018 .This award is a tribute to my parents, my guru Satpal Ji & @yogrishiramdev ji and kids who passed away in #HimachalPradesh bus accident #Jaihind #CWG2018

— Sushil Kumar (@WrestlerSushil) April 12, 2018

ઉલ્લેખનીય છે કે પુરૂષ ફ્રી સ્ટાઇલ 74 કિલોગ્રામમાં સુશીલ કુમારે ભારતને ગોલ્ડ અપાવ્યો. અપેક્ષા અનુરૂપ આ સ્ટાર પહેલવાને ફાઇનલમાં સાઉથ આફ્રિકાના જોહાનેસ બોથા પર તૂટી પડ્યો અને માત્ર એક મિનિટની અંદર ફટાફટ ગોલ્ડ પર કબજો કરી લીધો. સુશીલને 10-0થી સફળતા  મળી. સુશીલે રાષ્ટ્રમંડળ ગેમ્સમાં આ ત્રીજો ગોલ્ડ મેડલ જીત્યો છે. આ પહેલા તેણે 2010માં દિલ્હી અને 2014માં ગ્લાસ્ગો કોમનવેલ્થ ગેમ્સમાં ગોલ્ડ મેડલ જીત્યો હતો.