શટલર શ્રીકાંતે ચીની કંપની સાથે 35 કરોડ રૂપિયાનો કરાર કર્યો

નવી દિલ્હીઃ ભારતના અનુભવી બેડમિન્ટન ખેલાડી કિદાંબી શ્રીકાંતે ચીની કંપની લિ નિંગની સાથે 4 વર્ષ માટે 35 કરોડ રૂપિયાનો પ્રાયોજક કરાર કર્યો છે. વિશ્વના પૂર્વ નંબર એક ખેલાડી શ્રીકાંત 6 સુપર સિરીઝ ટૂર્નામેન્ટ જીતનાર ભારતનો એકમાત્ર બેડમિન્ટન ખેલાડી છે. તેણે ચીની કંપની સાથે 4 વર્ષનો પ્રાયજોન અને સાધન આપૂર્તિનો કરાર કર્યો છે. 

શ્રીકાંતે કહ્યું, હું ભારતમાં આ કંપનીનો ચહેરો બનીને ગૌરવ અનુભવી રહ્યો છું. મને તેની વસ્તુ પસંદ છે અને આશા છે કે હું મારા લક્ષ્યને નવા જોશની સાથે હાસિલ કરીને દેશનું નામ વધુ રોશન કરી શકીશ. 

આ કંપની ચીન, ઈન્ડોનેશિયા, સિંગાપુર અને ઓસ્ટ્રેલિયાની બેડમિન્ટન ટીમોની પ્રાયોજક છે અને જકાર્તામાં રમાયેલી 2018ની એશિયન ગેમ્સમાં ભારતીય ટીમની સત્તાવાર પ્રાયોજક હતી.