ફીફા મહિલા વિશ્વકપઃ સ્વીડનને 1-0થી હરાવી નેધરલેન્ડ ફાઇનલમાં, હવે અમેરિકા સામે ટક્કર

પેરિસઃ ફ્રાન્સમાં રમાઇ રહેલી ફીફા મહિલા વિશ્વ કપમાં નેધરલેન્ડની ટીમ પ્રથમવાર ફાઇનલમાં પહોંચી ગઈ છે. બુધવારે રમાયેલી સેમિફાઇનલમાં નેધરલેન્ડે સ્વીડનને 1-0થી પરાજય આપ્યો હતો. ટીમ માટે એકમાત્ર ગોલ જૈકી ગ્રોનેને એક્સ્ટ્રા ટાઇમમાં 9મી મિનિટે કર્યો હતો. ફાઇનલ મુકાબલો 7 જુલાઈએ નેધરેલન્ડ અને અમેરિકા વચ્ચે લિયો ઓલિમ્પિક સ્ટેડિયમમાં રમાશે. 

ત્રીજા સ્થાન માટે ઈંગ્લેન્ડ અને સ્વીડન વચ્ચે મુકાબલો
નેધરલેન્ડનો આ બીજો ફીફા મહિલા વિશ્વ કપ છે. ડચ ટીમ પ્રથમ વખત ટૂર્નામેન્ટની ફાઇનલમાં પહોંચી છે. તેનો મુકાબલો ડિફેન્ડિંગ ચેમ્પિયન અમેરિકા સામે થશે. આ ટૂર્નામેન્ટમાં અમેરિકાએ સેમિફાઇનલમાં ઈંગ્લેન્ડને 2-1થી પરાજય આપ્યો હતો. 

ત્રીજા સ્થાન માટે ઈંગ્લેન્ડ અને સ્વીડન વચ્ચે મેચ રમાશે. આ મુકાબલો 6 જુલાઈએ અલાયંજ રિવિએરા સ્ટેડિયમમાં રમાશે. ઈંગ્લેન્ડનો સેમિફાઇનલમાં અમેરિકા સામે પરાજય થયો હતો. 

1991થી અત્યાર સુધી અમેરિકા ત્રણ વખત ફીફા મહિલા વિશ્વ કપનું ટાઇટલ જીતી ચુકી છે. તે એક વખત રનર-અપ રહી છે. 2015મા અમેરિકાએ ફાઇનલમાં જાપાનને 5-2થી હરાવી ટાઇટલ જીત્યું હતું.