Novak Djokovic Detained: ઓસ્ટ્રેલિયામાં ટેનિસ સ્ટાર જોકોવિચની અટકાયત, જો કોર્ટમાં હાર્યા તો મૂકાશે મોટી મુશ્કેલીમાં!

મેલબોર્ન: વિશ્વનો સ્ટાર ટેનિસ ખેલાડી હાલ વિવાદોમાં ફસાયો છે. સ્ટાર ટેનિસ ખેલાડી નોવાક જોકોવિચ (Novak Djokovic)ની ઓસ્ટ્રેલિયામાં બીજી વખત અટકાયત કરવામાં આવી છે, જેની જોકોવિચના વકીલે આ જાણકારી આપી છે. ઓસ્ટ્રેલિયાની કોર્ટમાં સુનાવણી પહેલા જોકોવિચને કસ્ટડીમાં લેવામાં આવ્યો છે. હવે કોર્ટનો આદેશ નક્કી કરશે કે જોકોવિચ ઓસ્ટ્રેલિયામાં કોરોના રસીકરણ વિના રહી શકશે કે નહીં.

અગાઉ ઓસ્ટ્રેલિયન સરકારે તેને રસીકરણના અભાવને કારણે લોકો માટે જોખમ હોવાનું દર્શાવીને બીજી વખત તેના વિઝા રદ કર્યા હતા. જ્યારે, જોકોવિચના વકીલે સરકારના આ નિર્ણયને 'તર્કહીન' ગણાવીને તેની સામે કોર્ટમાં અપીલ કરી છે. જોકે, જોકોવિચ સોમવારે ઓસ્ટ્રેલિયા ઓપનમાં હાજરી આપવાનો છે.

જો જોકોવિચ 10મી વખત આ ટુર્નામેન્ટ જીતશે તો તે આ રેકોર્ડ બનાવનાર પ્રથમ ટેનિસ ખેલાડી બની જશે. પરંતુ રવિવારે કોર્ટમાં તેની અપીલ પરની સુનાવણી ખૂબ જ મહત્વપૂર્ણ છે, તે સાબિત કરશે કે તે ઓસ્ટ્રેલિયામાં રહી શકશે કે નહીં. પરંતુ જો તેઓ કોર્ટમાં હારી જશે તો ટેનિસ નંબર વન જોકોવિચનો વિઝા રદ થઈ શકે છે અને તેને ત્રણ વર્ષ માટે દેશની બહાર કરવામાં આવી શકે છે.

હકીકતમાં, 6 જાન્યુઆરીએ મેલબોર્ન પહોંચ્યા પછી તરત જ જોકોવિચના વિઝા રદ કરવામાં આવ્યા હતા. ઓસ્ટ્રેલિયન બોર્ડર ફોર્સના અધિકારીઓએ જણાવ્યું છે કે તેઓ રસી માટે મુક્તિ મેળવવાના યોગ્ય પુરાવા આપવામાં નિષ્ફળ રહ્યા છે.