8 જુલાઈના સમાચાર

8 જુલાઈના સમાચાર News

ગંભીરમાં ગભીર છબરડો, ધોરણ-7ના પુસ્તકમાં દોડવીર સરિતા ગાયકવાડને બદલે વનિતા ગાયકવાડનો
સરિતા ગાયકવાડ
ગંભીરમાં ગભીર છબરડો, ધોરણ-7ના પુસ્તકમાં દોડવીર સરિતા ગાયકવાડને બદલે વનિતા ગાયકવાડનો
ગુજરાતમાં પાઠ્યપુસ્તકોમાં વધુ એક ગંભીર છબરડો સામે આવ્યો છે. ધોરણ 7માં સામાજિક વિજ્ઞાનના પુસ્તકમાં ગુજરાતની પ્રખ્યાત યુવા દોડવીર સરિતા ગાયકવાડના નામને લઈને ગંભીર ભૂલ કરવામાં આવી છે. સરિયા ગાયકવાડને બદલે વનિતા ગાયકવાડનો ફોટો છાપવામાં આવ્યો છે. ત્યારે ગુજરાત રાજ્ય પાઠ્ય પુસ્તક મંડળના ડેપ્યુટી ડાયરેકટર હરેન શાહે સરિતા ગાયકવાડને લઈને થયેલા છબરડાને મુદ્રણ દોષ ગણાવ્યો છે. તેઓએ કહ્યું કે, આગામી આવૃત્તિ અને ડિજિટલ પુસ્તકમાં આ સુધારો કરી લેવાશે. તો બીજી તરફ, કોંગ્રેસ દ્વારા આ મુદ્દે પ્રહાર કરવામાં આવ્યા છે.  
Jul 8,2020, 15:04 PM IST
વડોદરા મહાનગરપાલિકા હવે ઘરે-ઘરે ફરીને કોરોનાના દર્દીઓને શોધશે
વડોદરા
વડોદરા મહાનગરપાલિકા હવે ઘરે-ઘરે ફરીને કોરોનાના દર્દીઓને શોધશે
વડોદરામાં કોરોનાનો કહેર ધીરે ધીરે વધી રહ્યો છે. ત્યારે વધી રહેલા કેસ વચ્ચે સ્થાનિક તંત્ર એક્શનમાં આવ્યું છે. આજથી વડોદરામાં કોરોના વિરુદ્ધ મેગા ઝુંબેશ શરૂ કરાઈ છે. જેમાં ઘરે-ઘરે ફરી લોકોનું સ્ક્રિનિંગ કરવામાં આવી રહ્યું છે. વડોદરા મહાનગરપાલિકાની ટીમો દ્વારા આ અભિયાન હાથ ધરાયું છે. પાલિકાની 590 ટીમો વડોદરાના વિવિધ વિસ્તારોમાં ફરીને મેગા સર્વેલન્સ કરી રહી છે. પાલિકાનાં 1200 જેટલા આરોગ્ય કર્મચારીઓ આ ઝુંબેશમાં જોડાયા છે. ચાર દિવસ સુધી આ અભિયાન ચાલશે. આરોગ્ય કર્મચારીઓ દ્વારા થર્મલ ગન, પલ્સ ઓક્સિમીટરથી સ્ક્રીનિંગ કરાઈ રહ્યું છે. પાલિકાના આરોગ્ય સમિતિના ચેરમેન રાજેશ શાહ પણ આ કાર્યવાહીમાં જોડાયા છે. 
Jul 8,2020, 14:39 PM IST
ગુજરાત યુનિવર્સિટીમાં ABVPનું વિરોધ પ્રદર્શન, કુલપતિના પૂતળાનું મગજનું ઓપરેશન કરાયું
ગુજરાત યુનિવર્સિટી
ગુજરાત યુનિવર્સિટીમાં ABVPનું વિરોધ પ્રદર્શન, કુલપતિના પૂતળાનું મગજનું ઓપરેશન કરાયું
ગુજરાત યુનિવર્સિટી ખાતે ABVP દ્વારા અનોખું વિરોધ પ્રદર્શન કરવામા આવ્યું. પ્રવેશ પ્રક્રિયામાં ગડબડી મામલે છેલ્લા એક અઠવાડિયાથી ABVP જુદી જુદી રીતે વિરોધ પ્રદર્શન કરી રહ્યું છે. ત્યારે આજે ABVP ના કાર્યકરોએ કુલપતિ હિમાંશુ પંડ્યાના ચહેરાના ફોટાવાળું પૂતળા લાવવામાં આવ્યું હતું. પૂતળાના મગજનું ઓપરેશન કરતું નાટક ભજવવામાં આવ્યું હતું.નાટક દરમિયાન પૂતળાના માથાના ભાગમાંથી 500 રૂપિયાની નોટ, કોંગ્રેસનો ખેસ અને કેટલાક કાગળ કાઢવામાં આવ્યા હતા. 
Jul 8,2020, 14:25 PM IST
આદિવાસી-માલધારી માટે મોટા સમાચાર, પ્રમાણપત્રની ચકાસણી માટે જ્યુડિશિયલ કમિશન નિમાશે
માલધારી સમાજ
આદિવાસી-માલધારી માટે મોટા સમાચાર, પ્રમાણપત્રની ચકાસણી માટે જ્યુડિશિયલ કમિશન નિમાશે
આદિવાસીઓ અને માલધારીઓને લઇ મોટા સમાચાર આવ્યા છે. સાચા આદિવાસીઓના પ્રમાણપત્રની ચકાસણીને લઈ જ્યુડિશિયલ કમિશનની રચના કરાશે. ગુજરાત હાઇકોર્ટના નિવૃત્ત જજની અધ્યક્ષતામાં જ્યુડિશિયલ કમિટીની રચના કરવાનો નિર્ણય રાજ્ય સરકાર દ્વારા લેવાયો છે. હાઇકોર્ટના નિવૃત્ત જજની અધ્યક્ષતામાં કમિશન રચાશે. બે નિવૃત્ત ડિસ્ટ્રીક્ટ જજ ફોરેસ્ટ અને રેવન્યુ વિભાગના અધિકારીઓનો સમાવેશ કરાશે. ગીર બરડા અને આલજમાં વસતા માલધારીઓ દ્વારા આ અંગે આંદોલન કરાયું હતું. આદિવાસીઓએ ખોટા પુરાવાના આધારે સરકારી નોકરી મેળવનારની સામે પગલાં ભરવા અને ચકાસણીની માંગ કરી હતી. આદિવાસીઓ અને માલધારી આગેવાનોએ જ્યુડિશિયલ કમિશનની ઈન્ક્વાયરી સોંપવાને લઈ સંમતિ આપી છે.
Jul 8,2020, 14:03 PM IST
સુરત : ક્લસ્ટર ઝોન હોવા છતાં રાત્રે ધમધમતુ હીરાનું યુનિટ બંધ કરાવાયું
સુરત
સુરત : ક્લસ્ટર ઝોન હોવા છતાં રાત્રે ધમધમતુ હીરાનું યુનિટ બંધ કરાવાયું
સુરતમાં ક્લસ્ટર વિસ્તારમાં હીરાનુ યુનિટ ચાલુ રહેતા પોલીસ ફરિયાદ કરાઈ હતી. કતારગામ નંદુ ડોશીની વાડીમાં આવેલ હીરાનું કારખાનું ક્લસ્ટર ઝોન હોવા છતા કાર્યરત કરાયું હતું. અજબ હીરાના કારખાનામાં મોડી રાતે પાંચ રત્ન કલાકારોને કામે બોલાવાયા હતા. જેથી પાલિકા તંત્ર દ્વારા કારખાનેદાર અને મેનેજર સામે કાર્યવાહી કરાઈ છે. 
Jul 8,2020, 12:07 PM IST
ગાંધીનગર : સ્વર્ણિંમ સંકુલમાં મૂકાયું સેનેટાઈઝર મશીન, 100થી વધુ તાપમાનમાં સાયરન વાગશ
સ્વર્ણિંમ સંકુલ
ગાંધીનગર : સ્વર્ણિંમ સંકુલમાં મૂકાયું સેનેટાઈઝર મશીન, 100થી વધુ તાપમાનમાં સાયરન વાગશ
ગુજરાતમાં હવે વધુને વધુ રાજકીય નેતાઓ તથા સરકારી કર્મચારીઓ કોરોનાનો શિકાર બની રહ્યાં છે. આવામાં ગાઁધીનગરમાં સ્વર્ણિમ સંકુલ 1 પાસે સેનેટાઈઝર મશીન મૂકાયું છે. આ સેનેટાઈઝર મશીનની ખાસિયત એ છે કે, જો 100 થી વધુ કોઈપણ વ્યક્તિ નું ટેમ્પરેચર આવશે તો થર્મલ કેમેરામાં સાયરન ચાલુ થઈ જશે. તે વ્યક્તિને સંકુલમાં પ્રવેશ નહિ મળે. આ મશીનમાં વ્યક્તિનું ઓક્સિજન લેવલ પણ ચેક થશે. 
Jul 8,2020, 11:40 AM IST
અમેરિકાના ઈમિગ્રેશન નિર્ણય પર નીતિન પટેલે કહ્યું, રાજ્ય સરકારે તેમાં સીધુ કરવાનુ કંઈ
નીતિન પટેલ
અમેરિકાના ઈમિગ્રેશન નિર્ણય પર નીતિન પટેલે કહ્યું, રાજ્ય સરકારે તેમાં સીધુ કરવાનુ કંઈ
રાજ્યમાં વધી રહેલા કોરોના સંક્રમણ અને સરકારની વ્યવસ્થા અંગે નાયબ મુખ્યમંત્રી નીતિન પટેલે જણાવ્યું કે, રાજ્યમાં ઘણી સોસાયટીમાં પોતાના ખર્ચે સેનેટાઈઝીંગ માટે વ્યવસ્થા થઈ છે. અત્યાર સુધી કરોડો રુપિયાના ખર્ચે સરકારે પ્રયત્ન કર્યા છે. હિમાંશુ એન્જિનિયરિંગ દ્વારા વિનામૂલ્યે સ્વર્ણિ સંકુલમા મશીન મૂકાયું છે. જેનાથી આવતી જતી વ્યક્તિના ઓક્સિજન, પલ્સ અને તાપમાન મપાઈ જાય છે. કોઈ પણ ચાર્જ વગર મશીન મૂકાયું છે. 
Jul 8,2020, 11:14 AM IST
24 કલાકમાં ગુજરાતના 154 તાલુકાને ધમરોળ્યા બાદ વરસાદનું જોર ધીમું પડ્યું
સૌરાષ્ટ્રમાં મેઘમહેર
24 કલાકમાં ગુજરાતના 154 તાલુકાને ધમરોળ્યા બાદ વરસાદનું જોર ધીમું પડ્યું
રાજ્યમાં છેલ્લા ૨૪ કલાકમાં ૧૫૪ તાલુકામાં વરસાદ નોંધ્યા બાદ વરસાદનું જોર ધીમું પડ્યું છે. રાજ્યમાં આજે સવારે 7 વાગ્યા બાદ 17 તાલુકામાં વરસાદ નોંધાયો છે. જેમાં સૌથી વધુ વરસાદ જુનાગઢ ના માળિયામાં 1 ઇંચ વરસાદ પડ્યો છે. જૂનાગઢના ત્રણ જિલ્લાઓમાં વરસાદ જોવા મળ્યો છે. બાકીના તાલુકાઓમાં સામાન્ય વરસાદ ખાબક્યો છે. છેલ્લા 24 કલાક દરમિયાન દેવભૂમિ દ્વારકાના તમામ તાલુકાઓમાં ભારે વરસાદ નોંધાયો છે. છેલ્લા ૨૪ કલાકમાં દેવભૂમિ દ્વારકાના ચાર તાલુકાઓમાં 8 ઇંચ કરતા વધારે વરસાદ ખાબક્યો છે. દેવભૂમિ દ્વારકાના ખંભાળિયામાં સૌથી વધુ 12 ઇંચ વરસાદ નોંધાયો છે. તો કલ્યાણપુરમાં પોણા 12 ઇંચ વરસાદ અને દ્વારકામાં 9 ઈંચ વરસાદ, ભાણવડમાં 8 ઈંચ વરસાદ નોંધાયો છે. 
Jul 8,2020, 10:25 AM IST
ગુજરાતના મંત્રી રમણ પાટકર કોરોનાની ઝપેટમાં આવ્યા
રમણ પાટકર
ગુજરાતના મંત્રી રમણ પાટકર કોરોનાની ઝપેટમાં આવ્યા
નેતાઓ કોરોનાની ઝપેટમાં આવવાનો સિલસિલો યથાવત છે. ગઈકાલે ગેનીબેન ઠાકોર બાદ હવે આજે રાજ્યકક્ષાના વન પ્રધાન રમણ પાટકરનો કોરોનાનો રિપોર્ટ પોઝિટિવ આવ્યો છે. તેઓને યુએન મહેતા હાર્ટ ઇન્સ્ટિટ્યૂટમાં કોરોનાની સારવાર અર્થે દાખલ કરવામાં આવ્યા છે. રમણ પાટકર ગઈકાલે હોસ્પિટલમાં રૂટિન ચેકઅપ માટે ગયા હતા. જેના બાદ તેઓમાં શંકાસ્પદ લક્ષણો દેખાતા કોરોનાનો રિપોર્ટ કરાવાયો હતો. તબિયત નાદુસ્ત હોવાથી તેઓએ આજે કેબિનેટમાં ન આવવાનો પણ નિર્ણય કર્યો હતો, પરંતુ તે પહેલા જ તેઓને હોસ્પિટલ દાખલ કરાયા હતા. 
Jul 8,2020, 10:13 AM IST
એકવાર ફરી ખૂલ્યુ ગોવા, પણ જતા પહેલા આ નિયમો જાણી લેજો
Goa
એકવાર ફરી ખૂલ્યુ ગોવા, પણ જતા પહેલા આ નિયમો જાણી લેજો
 ભારતીયોનું સૌથી ફેવરિટ ટુરિસ્ટ ડેસ્ટિનેશન ગોવા (Goa) લોકડાઉન બાદ એકવાર ફરીથી ખૂલી ગયું છે. લાંબા લોકડાઉન બાદ જો તમે કંટાળી ગયા છો અને ક્યાંક ફરવા જવાનું મન થઈ રહ્યું છે તો તમે ગોવાનો પ્લાન બનાવી શકો છો. તમારું મન સમુદ્ર કિનારે ફરવાનું થઈ રહ્યું છે તો તમારું આ સપનુ પૂરુ થઈ શકે છે. પરંતુ આ વખતે ગોવામાં કોરોના મહામારીને પગલે કાયદા પણ કડક થવા જઈ રહ્યાં છે. જો તમે જરા ચૂક કરો તો તમારી મોજમસ્તીનું પ્લાનિંગ સજા પણ બની શકે છે. 
Jul 8,2020, 9:23 AM IST
કોરોના ઈફેક્ટ : ધોરાજીમાં સવારે 8 થી 1 સુધી જ ધંધા રોજગાર ચાલુ રહેશે
ધોરાજી
કોરોના ઈફેક્ટ : ધોરાજીમાં સવારે 8 થી 1 સુધી જ ધંધા રોજગાર ચાલુ રહેશે
કોરોનાને કાબૂ લેવા માટે હવે ગુજરાતના વેપારીઓ અને ઉદ્યોગકારો સપોર્ટ કરી રહ્યાં છે. કોરોનાનું સંક્રમણ વધુ ન ફેલાય તે માટે વેપારીઓ ધંધારોજગારના સમયમાં અંકુશ લાવી રહ્યાં છે. જે મુજબ, ધોરાજીમાં સવારે 8 થી બપોરે 1 સુધી જ ધંધા રોજગાર ચાલુ રહેશે. 8 દિવસ સુધી રહેશે આ નિર્ણય લાગુ રહેશે તેવો વેપારીઓ દ્વારા સર્વાનુમતે નિર્ણય લેવાયો છે.
Jul 8,2020, 8:24 AM IST
અષાઢમાં સૌરાષ્ટ્રના 5 જિલ્લામાં અનરાધાર વરસાદ, ખંભાળીયાએ રેકોર્ડ તોડ્યો
સૌરાષ્ટ્રમાં મેઘમહેર
અષાઢમાં સૌરાષ્ટ્રના 5 જિલ્લામાં અનરાધાર વરસાદ, ખંભાળીયાએ રેકોર્ડ તોડ્યો
સૌરાષ્ટ્રમાં સતત ચાર દિવસથી અનરાધાર વરસાદ વરસી રહ્યો છે. વરસાદને કારણે સૌરાષ્ટ્રના મોટાભાગના જળાશયોમાં નવા નિરની આવક થઈ છે. જામનગર, દ્વારકા, પોરબંદર, રાજકોટ, કચ્છ જિલ્લામાં સતત 4 દિવસથી વરસાદ વરસી રહ્યો છે. અષાઢ મહિનામાં જ સૌરાષ્ટ્રમાં મોટાભાગના વિસ્તારમાં નોંધપાત્ર વરસાદ વરસ્યો છે. રાજકોટ સહિત સમગ્ર સૌરાષ્ટ્રમાં મેઘ મહેર યથાવત છે. સૌરાષ્ટ્રમાં સૌથી વધુ વરસાદ દ્વારકા, પોરબંદર અને જામનગર જિલ્લામાં નોંધાયો છે. જેના આંકડા પર નજર કરીએ....
Jul 8,2020, 8:06 AM IST

Trending news